| e-texts navigator |
| Wylie |
241a1 ཉན་འཚལ།། ཞེས་པ་སྟོན་པས་གསན་དགོངས་ཏེ།། འཁོར་ལ་ཐུགས་རྗེས་སྣང་ཞིང་གཟིགས།། གསང་ཆེན་ངེས་པའི་ཚིག་འདི་ཀུན།། གཉིས་མེད་ཡེ་ཤེས་ཐུགས་ཀློང་ནས།། མི་འགྱུར་གསང་བའི
241a2 བུམ་པར་དྲིལ།། ཐུན་མོང་མ་ཡིན་ལྗགས་ལ་བཀྲམ།། སྐྱེ་མེད་ཀློང་ནས་འགག་མེད་དུ།། བརྗོད་མེད་ཚིག་འདི་རང་གྲགས་གསུངས།། མ་མ་བྲལ་མ་མ་ཉོན་ཅིག་སེམས་དཔའ་རྡོ་རྗེ་རྩལ།། ལྷུན་གྲུབ་ཡེ་ཤེས
241a3 རིག་པ་འདི།། བརྟེན་པ་ལུས་ཀྱི་གནས་ལུགས་ནི།། རང་དབང་ཅན་དུ་འཁོར་བ་དང་།། རང་དབང་མེད་པར་འཁོར་ཚུལ་གཉིས།། རང་དབང་ཅན་གྱི་འཁོར་ཚུལ་ནི།། འོད་ཟེར་མཐིང་ག་ཕྱི་རུ་ཐོན།། ལྗང་གུ་ནང་དུ
241a4 ལོག་པ་སྟེ།། ཡེ་ཤེས་ཁོང་གསལ་ཆེན་པོར་གནས།། དེ་ནི་ཆོས་སྐུ་ལྷུན་གྲུབ་ཡིན།། རང་བཞིན་ཐུགས་རྗེ་སྐྱེ་བ་མེད།། ལོངས་སྤྱོད་རྫོགས་སྐུའི་འཁོར་ལུགས་སོ།། རང་བཞིན་འགྲོ་དོན་བྱེད་པས་ན།། སྤྲུལ་པ་སྐུ་ཡི
241a5 འཁོར་ལུགས་སོ།། མེ་ཏོག་ལ་སོགས་བརྫུས་སྐྱེས་ཏེ།། དག་པའི་མངལ་དུ་དྲན་བཞིན་འཇུག། དེ་རྣམས་རང་དབང་ཅན་ཡིན་ནོ།། རང་དབང་མེད་པའི་འཁོར་ཚུལ་ནི།། དགེ་བ་ཅན་ནི་ཡར་ལ་འཁོར།། སྡིག་པ་ཅན
241a6 ནི་མར་ལ་འཁོར།། སྡིག་པ་ཅན་གྱི་མར་འཁོར་ནི།། རླུང་དང་རྣམ་ཤེས་ཡུལ་སྣང་འདི།། ལས་ཀྱི་དབང་གིས་གཟུགས་སྣང་ཤར།། དབང་པོ་ཀུན་ལྡན་ཕྱོགས་མེད་དུ།། ཟས་དང་གོས་དང་སྐྱབས་གནས
iiif viewer powered by OpenSeadragon
