| e-texts navigator |
| Wylie |
23a1 ན།། རྔམ་བརྗིད་སྟོབས་ཀྱིས་གནས་པར་བསམ།། སྦྱོར་སྒྲོལ་ཡུམ་གྱི་སྒྲ་བསྐྱེད་པ།། ཀུན་གཞི་དབྱིངས་ཀྱི་ངོ་བོ་ནི།། ཁྲོ་མཆོག་ཉིད་ཀྱི་གཡས་གཡོན་དུ།། དམར་སྡུག་མ་གཉིས་སྤྲོ་བསྡུས་པས།། སྦྱོར
23a2 སྒྲོལ་ཡུམ་མཆོག་ཁྲོས་པའི་སྐུ།། རོ་ལངས་གཡོན་ནས་འཁྲིལ་ཤིང་སྦྱོར།། དམར་ཆེན་གཙོ་བོའི་ཞལ་དུ་སྟོབ།། སྒྲོལ་བྱེད་མཐིང་ནག་གཡས་ཕྱོགས་ནས།། ཙིཏྟ་ཁ་ཊྭཱཾ་ཕྱག་ན་བསྣམས།། རྒྱན་དང་ཆ་ལུགས་ཡབ་དང
23a3 མཐུན།། མེ་དཔུང་ཀློང་ན་དེ་བཞིན་གཤེགས།། མ་བེ་ཏཱ་ལི་རཀྐ་མན་ཧཱུཾ་བྷྱོ།། མ་ཨེ་ཀ་ཛ་ཊི་ཏྲག་ཤ་བྷྱོ།། དེ་ནས་གཙོ་བོའི་ཐུགས་ཀ་ནས།། འོད་ཟེར་སྣ་ལྔའི་སྤྲོ་བསྡུ་ཡིས།། མཐིང་དམར་གཉིས་ཀ་འོད་དུ
23a4 འབར།། སྒྲོ་བསྡུས་དབྱུག་ཏོ་ཐོད་རློན་གསལ།། དབྱུག་ཏོ་འོད་ཀྱི་ཁྱད་པར་ལས།། བདུད་པ་སྐུ་ཡི་བསྐྱེད་སྔགས་ཀྱིས།། གཡས་ཕྱོགས་ཟླ་གམ་རཀྟའི་དཀྱིལ།། ཀེང་རུས་གྲམ་བུའི་གདན་སྟེང་དུ།། ཡཀྵ་ཛ་ལ་ཞེ
23a5 སྡང་སྐུ།། སྔོ་ནག་སྐུ་གཅིག་དབུ་གསུམ་བརྗིད།། དབུ་གཡས་སེང་ཆེན་ཁ་གསལ་དང་།། དབུ་གཡོན་ཕག་རྒོད་རྔམ་ཚུལ་ཅན།། དབུས་མ་སྲིན་པོའི་མཆེ་གཙིགས་ཅན།། དབུ་སྐྲ་རལ་པ་དམར་ནག་ལ།། རྒྱུ་སྐར
23a6 ཚོགས་ཀྱི་ཐོད་གདེངས་ཅན།། སྤྱན་གསུམ་སྨིན་མ་མེ་འབར་ཞིང་།། སྙན་ནས་འབྲུག་སྒྲ་དྲག་པོ་འབྱིན།། ཤངས་ནས་ནད་འཐུལ་སྤྲིན་དུ་འཁྲུགས།། ཞལ་གདངས་ལྗགས་འདྲིལ་མཆེ་གཙིགས་ཤིང་།། བ་སྤུ་ཁ་ཊྭཱཾ་རྩེ
iiif viewer powered by OpenSeadragon
