| e-texts navigator |
| Wylie |
239b1 འགྱུར་དེ་ཉིད་ན།། ངེས་པར་ཚད་དུ་དེ་འགྱུར་རོ།། རྩོལ་མེད་ཉིད་དུ་རང་གྲོལ་ཏེ། ཁམས་གསུམ་འཁོར་བར་ཟློག་རེ་ཀན།། དངོས་ནི་ལྷ་ལ་རང་མཐོ་གང་།། ལྷ་མིན་ཆག་གང་མི་མཐེབ་གང་།། འོད་ལྔ་འདུས་པའི
239b2 ཟླུམ་པོ་རུ།། ཟད་པ་མེད་པར་སྣང་བ་ཡིན།། ཐབས་ཀྱི་མན་ངག་མཐེབ་མཛུབ་ཀྱིས།། ཙཀྵུའི་ཕུགས་དང་འགྲམ་བཙིར་བས།། མངོན་དུ་སྣང་སྟེ་ཡིད་ཆེས་སོ།། མཐུན་དཔེ་རྨ་བྱའི་མདོངས་འདྲ་སྟེ།། དྲ་མིག་ཉ་མིག
239b3 བཞིན་དུ་གནས།། འདི་ལ་རང་བཞིན་དབང་ཐོབ་ནས།། རྩོལ་མེད་ཉིད་དུ་རང་གྲོལ་ལོ།། ཞེས་གསུངས་ནས་ཀུན་བཟང་ཡངས་པ་ལྷུན་འབྱམས་ཆེན་པོར་ལྷན་ནེར་བཞུགས་སོ།། ཐེག་པ་ཀུན་གྱི་སྤྲི་ཕུད་ཀློང་ཆེན
239b4 རབ་འབྱམས་ཀྱི་རྒྱུད་ལས། ཐོག་མའི་སངས་རྒྱས་སྐུ་དང་ཐིག་ལེར་གནས་པའི་ས། ཞི་བ་རྒྱས་གསལ་བར་གསུངས་པའི་ལེའུ་སྟེ་ལྔ་པའོ།། །། ས་མ་ཡ། རྒྱ་རྒྱ་རྒྱ། གན་ཐམ་མ་ག་དྲན་ཁྱོད་འམ། རྒྱ་རྒྱ་རྒྱ།
239b5 ཡཿ། དེ་ནས་སེམས་དཔའ་རྡོ་རྗེ་ཡིས།། སྟོན་པ་ཉིད་ལ་འདི་སྐད་གསོལ།། ཀྱེ་སྤྲུལ་པའི་སྐུ་མཆོག་ཀུན་ཏུ་བཟང་།། སྐྱེ་མེད་ཆོས་ལས་ཀུན་འབྱུང་བ།། སེམས་ཅན་རྣམས་ཀྱི་ཕོ་བྲང་བཞིར།། སྒྲོན་མ་བཞི་དང
239b6 སངས་རྒྱས་སྐུ།། གནས་པ་རྒྱས་པར་གསུངས་ན་ཡང་།། ལམ་ནི་གང་ལ་རྒྱུ་བ་ལགས།། སྟོན་པས་འཁོར་ལ་བཀའ་སྩོལ་ཅིག། ཅེས་པ་སྟོན་པས་གསན་ཅིང་དགོངས།། དགེས་པའི་མདངས་ཕྱུང་ཚིག་འདི
iiif viewer powered by OpenSeadragon
