| e-texts navigator |
| Wylie |
238b1 ཁྱད་པར་ཉིད།། འཕོ་གནས་རླུང་གི་འཕར་རྐྱེན་ནོ།། ཐིག་ལེའི་ཡུལ་ནི་རང་གི་ལས།། ཐིག་ལེའི་ཕོ་བྲང་འཁོར་ལོ་ལྔ།། ཐིག་ལེའི་གཞུང་ལམ་གཞུངས་པ་ཉིད།། ཐིག་ལེའི་གྲོང་ཁྱེར་བྷེ་ཏ་ལཱི།། བརྟེན་པ་སྐལ་པའི
238b2 ཚིགས་ལ་བརྟེན།། གསལ་བ་འཕྲུལ་གྱི་བང་མཛོད་ཉིད།། བླ་མས་སྒོ་ཕྱེ་དབྱིངས་ལ་གསལ།། སྤྲུལ་པའི་གྲོང་ཁྱེར་དགུ་ཁྲི་འབུམ།། ཐིག་ལེ་རང་བྱུང་གཟུགས་ལ་བརྟེན།། རྩ་རྣམས་ཀུན་གྱི་ནང་ན་བཞུགས།། ཐོན
238b3 པ་གསང་བའི་སྒོ་ལ་ཟོན།། གསལ་བ་རྡོ་རྗེའི་མི་ཏོག་ཉིད།། པདྨའི་ཟེའུ་འབྲུའི་འོག་བཅུག་པས།། རང་གི་ལུས་ངག་ཡིད་གསུམ་ལ།། མངོན་སུམ་རྟག་འཆར་གསལ་ཉམས་མྱོང་།། ཧཱུཾཿསྭཿཀ། \ུ0f7fདྷཿཙ་ས་པ་\ུ0f89\ུ0f4ས་རྒྱན་རྒྱུ
238b4 ལམ་ངོ་བོ་དབྱིངས་འབྲས་བུ།། བདེ་གསལ་ཉམས་མྱོང་གདམས་པ་རྣམས།། ཚད་ལྡན་བླ་མའི་ཐུགས་མཛོད་བྲུས།། ཨེ་མ་ཧོ་སེམས་དཔའ་རྡོ་རྗེ་ཉོན།། ཐིག་ལེ་སྟོང་པའི་སྒྲོན་མ་ཞེས།། ཆོས་རྣམས་ཀུན་གྱི་ཡིད་ཆེས
238b5 པ།། འདི་ཉིད་དོན་རྣམས་ཡིད་ལ་ཟུང་།། ངོ་བོ་ངེས་ཚིག་དབྱེ་བ་དང་།། མཚན་ཉིད་དགོངས་པ་གནས་པ་དང་།། འཆར་སྒོ་རང་བཞིན་ཡུལ་སྣང་བ།། ཚད་དང་ཡོན་ཏན་ཐབས་མཐུན་དཔེ།། འདི་རྣམས་རྩ་བ་བློ་ལ
238b6 ཞོག། ངོ་བོ་ཉག་གཅིག་ཆ་ཕྲ་སྟེ།། སྟོང་པའི་མུ་ཡང་རང་གསལ་བ།། མི་རྟོག་སྤྲོས་བྲལ་ཟླུམ་པོའོ།། ཐིག་ནི་མི་འགྱུར་དྲང་པོ་ལ།། ལེ་ནི་བརྡའ་བ་ཆེན་པོ་ཡིན།། སྟོང་པ་དངོས་ཡུལ་ཞེན་བློ་དགག། སྒྲོན་མས་འོད
iiif viewer powered by OpenSeadragon
