| e-texts navigator |
| Wylie |
238a1 ལས།། དཀར་ནག་འདྲེས་པ་དེ་བཞིན་ནོ།། མཐུན་དཔེ་འཛིན་བྱེད་ལྕགས་ཀྱུ་ཡིས།། གང་སྣང་སྣ་ནས་འཛིན་པ་བཞིན།། འཁོར་འདས་སྣ་གཉིས་འདི་ཡིས་འཛིན།། སྒྲོན་མས་ཡུལ་གཟུང་རིག་པར
238a2 སྣང་།། ལུ་གུ་རྒྱུད་མཐོང་ཚད་ཡིན་ནོ།། ཞེས་གསུངས་ནས་དམིགས་མེད་ཀ་དག་གི་ངང་དུ་ལྷན་ནེར་བཞུགས་སོ།། ཥམཿ། རྒྱ་རྒྱ་རྒྱ། 6ཐཾནྡཿ། དེ་ནས་སེམས་དཔའ་རྡོ་རྗེ་ཡིས།། འདི་སྐད་རང་སྒྲས་སྟོན་པ
238a3 བསྐུལ།། ཀྱེ་ཧོ་བྱ་བཙལ་མེད་པའི་དཔལ།། མིག་གི་གཞལ་ཡས་གསུངས་ལགས་ཀྱང་།། སྔར་གསུངས་ཚིག་ལ་འབྲེལ་མེད་པའི།། འགྱུ་བྱེད་རྩ་ཡི་གཞལ་ཡས་ན།། བཞུགས་པ་གང་བཞུགས་གང་ལ་བརྟེན།། སྟོན
238a4 པས་འཁོར་ལ་བཀའ་གྲོལ་ཅིག། ཅེས་པ་གསན་ཏེ་བཀའ་གླལ་པ།། ཉོན་ཅིག་རིག་མདངས་སྦྲུལ་འཁོར་རྣམས།། འགྱུ་བྱེད་རྩ་ཡི་དྲ་བ་ན།། ཡེ་ཤེས་སྐུ་བཞིའི་སྟོན་པ་ང་།། རང་བཞིན་ཐིག་ལེའི་ཚུལ་བཞུགས
238a5 ཏེ།། སེམས་ཅན་ཀུན་གྱི་ལུས་ཟུང་འཛིན།། རང་བཞིན་འོད་ཀྱི་གོང་བུ་བཞིན།། རྩ་རྣམས་ནང་ན་ཐིག་ལེའི་སྐུ།། ཆེ་ཚད་ནམ་མཁའི་མཐའ་དང་མཉམ།། ཆུང་ཚད་རྟ་རྔ་བཅུར་གཤེགས་ཙམ།། གསལ་ཚད་ཉི་ཟླ་སྒྲོན
238a6 མེ་འདྲ།། གསལ་ལ་འཚེར་ཏེ་གཟི་བརྗིད་འབར།། འགྲོ་དང་འོང་དང་གནས་ས་རུ།། ཡེ་ཤེས་མཁའ་འགྲོ་བྱེ་བ་འབུམ།། ས་ཡ་གྲངས་འདས་བརྗོད་མི་ལང་།། ཉུང་འབྲུའི་ལུས་ལ་སྤྱན་ཕུལ་ཐག། རྒྱུ་དང་འབྲས་བུའི
iiif viewer powered by OpenSeadragon
