| e-texts navigator |
| Wylie |
237b1 སྐུ།། བཅུ་ཡི་ཚུལ་དུ་ཤེས་པར་གྱིས།། ཨེ་མ་ཧོ།། རྒྱང་ཞགས་ཆུ་ཡི་སྒྲོན་མ་ཉིད།། སྐྱེ་བྱེད་ས་བོན་ཚུལ་དུ་གནས།། ངོ་བོ་ངེས་ཚིག་དབྱེ་བ་དང་།། མཚན་ཉིད་བཞུགས་ཚུལ་གནས་ས་དང་།། སྐྱེ་བྱེད་འཆར་སྒོ་མཐུན
237b2 དཔེ་ཚད།། འདི་རྣམས་ལེགས་པར་ཡིད་ལ་ཟུང་།། ངོ་བོ་སྣང་བ་གཉིས་ཀ་སྡུད།། རྒྱང་ནི་རིག་སྐུ་མཐོང་བ་སྟེ།། གཟུགས་སོགས་འདོད་ཡོན་ལྔ་སོགས་རྣམས།། འདི་ཡིས་འཆིང་བས་ཞགས་པ་ཡིན།། སྣང་བ་རང
237b3 སར་བཞག་ནས་ནི།། བདག་འཛིན་བྲལ་བས་ཆུ་ཞེས་བྱ།། སྒྲོན་ནི་རང་གི་སྣང་བར་གསལ།། གོང་ནས་གོང་དུ་འཕེལ་བའོ།། དབྱིངས་རིག་འདྲེས་པས་མ་ཞེས་བྱ།། དབྱེ་ན་རྒྱང་ཞགས་ཆུ་སྒྲོན་དང་།། ཡེ་ཤེས་འདུས
237b4 པའི་རྒྱང་ཞགས་དང་།། དབང་པོ་འདུས་པའི་རྒྱང་ཞགས་སོ།། མཚན་ཉིད་འཆར་བྱེད་འགག་མེད་པས།། དབང་པོའི་དྲངས་མ་མིག་ཅེས་བྱ།། འབྱེད་པ་པདྨའི་སྤྱན་དུའོ།། འདི་ཡི་གནས་ནི་མིག་ཡིན་ཏེ།། མཐོང་བྱེད
237b5 འགག་པ་མེད་པ་ཡིས།། ཡུལ་རྣམས་འཛིན་པར་བྱེད་པའོ།། ཀླད་པ་དུང་ཁང་དཀར་པོ་ནས།། གཡས་སུ་འཁྱིལ་པ་རྩ་གསུམ་པོའི།། བ་མེན་ར་འདྲའི་རྩ་ཡི་དབྱིངས།། རྩ་ཡི་ནང་ན་འདི་ཉིད་གནས།། འཆར་བའི་སྒོ
237b6 ནི་ཙཀྵཱ་ར།། སྐྱེད་བྱེད་མངལ་དུ་རང་ཞུགས་ཚེ།། དུས་ཀུན་གྱི་ནི་ཐོག་མ་རུ།། ལྟེ་བའི་རྩ་མདུད་གྲུ་གསུམ་དུ།། ཕ་མའི་རྒྱུ་རྐྱེན་དྭངས་མ་ཡིས།། མིག་གི་དྭངས་མ་ཉིད་དུ་ཆགས།། ཕ་མའི་རྒྱུ་རྐྱེན་ཆ་གཉིས
iiif viewer powered by OpenSeadragon
