| e-texts navigator |
| Wylie |
235a1 ཤེས་ཀྱི།། སྒོ་ཕྱེ་བླ་མའི་ཐུགས་མཛོད་ཀྱིས།། མེ་ལོང་དཀྱིལ་འཁོར་མངོན་སུམ་འཆར།། དུང་ཁང་ཀླད་རྒྱའི་ནང་དག་ན། ཁྲོ་བོའི་སྐུ་ནི་ཤིན་ཏུ་རྔམ།། ཐུགས་རྗེ་འཛིན་བྱེད་ལྕགས་ཀྱུར་བཅས།། སྐུ་ནི
235a2 ཉུང་འབྲུ་ཕུལ་ཟག་ཙམ།། སྣ་ཚོགས་གཅེར་གྲོལ་དགུ་ཁྲིའི་གྲངས།། ཀླད་ནང་འོད་ལྔས་གང་ནས་ཡོད།། ཆ་ཕྲ་མཛེས་པ་གསལ་འཚེར་བཀྲག། ཉམ་ང་མཛེས་པའི་འོད་ཟེར་འཕྲོ།། ཕྲུམ་ཕྲུམ་འཚེར་ལྟར་རབ་ཏུ
235a3 གནས།། རང་གི་ཤེས་རིག་ངོ་བོ་འདི།། ངོས་བཟུང་མ་གྲུབ་སྟོང་སངས་ཉིད།། ཆོས་ཀྱི་དབྱིངས་ཀྱི་ངོ་བོར་གྲུབ།། སྟོང་སྟོང་ཕྱང་དུ་མ་ཆད་པ།། ངོ་བོ་མ་འགགས་གསལ་བ་འདི།། མེ་ལོང་ལྟ་བུའི་ཡེ་ཤེས་གྲུབ།། སྟོང
235a4 དང་གསལ་བ་ཐ་མི་དད།། རང་རིག་ཤེས་དྲན་མ་འགགས་པ།། དབྱེར་མེད་མཉམ་ཉིད་ཡེ་ཤེས་གྲུབ།། རང་གི་ཤེས་རབ་སོ་སོར་འཆར།། མ་འགགས་རང་གྲོལ་ཝལ་ཝལ་འདི།། སོ་སོར་རྟོགས་པའི་ཡེ་ཤེས
235a5 གྲུབ།། རང་རང་གང་ལའང་འགག་ཐོགས་མེད།། བྱ་བ་གྲུབ་པའི་ཡེ་ཤེས་གྲུབ།། སྟོང་གསལ་འདུས་པ་ཆོས་སྐུའི་མདངས།། ཞལ་ཕྱག་རྫོགས་པ་བུམ་སྐུའི་ཚུལ།། དུང་ཁང་ཀླད་པའི་གཞལ་ཡས
235a6 ན།། ལོངས་སྤྱོད་རྫོགས་པའི་སྐུ་རྣམས་བཞུགས།། དཔེར་ན་བུམ་ནང་མར་མེ་ལྟར།། བྱེ་བ་ཁྲག་ཁྲིག་འབུམ་དང་བཅས།། ཤར་ཕྱོགས་གཅིག་པུ་བགྲངས་མི་ལང་།། འོད་ཟེར་བྱེ་བ་འབུམ་དང་བཅས།། ལྟ་བས་མི
iiif viewer powered by OpenSeadragon
