| e-texts navigator |
| Wylie |
234b1 མཐུན་དཔེ།། མན་ངག་རྟགས་དང་བཅས་པ་རྣམས།། རིག་པ་ཕྱི་འཕྲོས་མཁའ་ལ་གསལ།། རང་ཤེས་ནང་དུ་གསལ་བའི་ཚེ།། ཙིཏྟའི་དཀྱིལ་དུ་གནས་པ་ཡིན།། མཚན་ལྡན་བླ་མ་ང་འདྲ་ཡི།། གསུང་གི་བདུད་རྩིས
234b2 སྒོ་ཕྱེ་མཐོང་།། ཞེས་གསུངས་ནས་ཤར་གྲོལ་འགག་མེད་དུ་ལྷན་ནེ་བཞུགས་སོ།། དེ་ནས་ཡང་སེམས་དཔའ་རྡོ་རྗེས་གསོལ་པ། ཀྱེ་སྐུ་གསུམ་ཡོངས་རྫོགས་ཀུན་ཏུ་བཟང་།། དང་པོའི་སངས་རྒྱས་ལྷུན་རྫོགས
234b3 དཔལ།། སེམས་ཅན་ཀུན་གྱི་ཙིཏྟ་ལ།། རང་གནས་ཆོས་སྐུ་གསུང་ལགས་ཀྱང་།། དུང་ཁང་བྷནྡའི་གཞལ་ཡས་ན།། བཞུགས་པ་གང་བཞུགས་རྟེན་ས་གང་།། འདུས་པའི་འཁོར་ལ་བཀའ་སྩོལ་ཅིག། ཅེས་པ་སྟོན་པ
234b4 ཉིད་ཀྱིས་གསན།། ཉོན་ཅིག་རིག་མདངས་འཁོར་རྣམས་ཀུན།། ཨེ་མ་རིག་པའི་ཡེ་ཤེས་ང་།། སེམས་ཅན་ཀུན་གྱི་ཙིཏྟ་ལ།། གོང་ལྟར་གནས་པའི་རང་རྩལ་ཉིད།། དུང་ཁང་ནང་ན་ཁྲོ་བོའི་སྐུ།། ཡབ་དང་ཡུམ་དུ་རྣམ
234b5 པར་མངོན། ཁྲོ་དང་ཁྲོ་མོའི་ཚུལ་འཆར་ཞིང་།། ཡེ་ཤེས་ལྔ་ལྔ་དག་དང་ལྡན།། གསལ་འཚེར་གཟི་བརྗིད་རབ་ཏུ་འབར།། བུམ་པའི་སྐུ་དང་བུམ་ནང་གི། མར་མེའི་རྩལ་ཟེར་འཇའ་འོད་ནས།། ལོངས་སྤྱོད་རྫོགས་པ
234b6 སྐུ་ཡི་ཡུལ།། རང་གི་མགོ་ཡི་དུང་ཁང་ཡིན།། ཕྱི་ཡུལ་ཚོམ་བུ་དག་དང་བཅས།། གནས་ནི་ལོངས་སྤྱོད་ཁྲོ་བོའི་སྐུ།། ལྔ་བཅུ་རྩ་བརྒྱད་ཀླད་ནང་བཞུགས།། བརྟེན་པ་རང་གི་མགོ་ལ་བརྟེན།། གསལ་བ་དྭངས་མ་ཡེ
iiif viewer powered by OpenSeadragon
