| e-texts navigator |
| Wylie |
234a1 ཡེ་ཤེས་ལྗང་གུའི་ཕུབ།། ཡེ་ནས་ངོས་བཟུང་བྲལ་བར་གནས།། སེམས་ཅན་ཀུན་གྱི་ཙིཏྟའི་དཀྱིལ།། ཆོས་སྐུའི་ཐིག་ལེ་ཉག་གཅིག་དེ།། འོད་ལྔའི་དཀྱིལ་ན་མེ་རེ་ཡོད།། ཤེས་རིག་མ་འགགས་ཝ་ལེ
234a2 བ།། འདི་རྟོགས་ཡོན་ཏན་རྒྱ་མཚོ་འབྱུང་།། ཤར་ཚད་ཡོན་ཏན་རྒྱ་མཚོའི་ངང་།། ཙིཏྟ་རིན་ཆེན་ཀུན་གྱི་མཛོད།། ངོ་བོ་རང་གསལ་གཞལ་ཡས་ན།། བུམ་པའི་ནང་གི་མར་མེ་བཞིན།། འོད་དུ་དེ་ནི་མ་རེ་ཡོད།། རྒྱལ
234a3 བ་རིགས་ལྔའི་ཚོམ་བྲ་རུ།། དཀྱིལ་འཁོར་དེ་ནི་ཁྲ་མེར་ཡོད།། ཉུང་འབྲུ་ཙམ་ལ་ཕུལ་ཟག་ཙམ།། སྣ་ཚོགས་གཅེར་གྲོལ་ཉིད་དུ་ཡོད།། མ་ཎ་ཏ་ཐཱ་ག་ཏ། ཀུ་ལ་བཅུ་པ་ནི་བུདྡྷ་ཀུ་ལ་སན་ཏ། ཙིདྷ་པ་ནཾ། བྷྱཿ
234a4 ཀཱ་ཡ། ཧཱ་ཧཱ། ཉི་ཟླ་ཐབས་ཤེས་ཁང་པ་ན།། ཆོས་སྐུ་ཀ་དག་འོད་འབར་ལྔ།། ངོ་ཤེས་བུདྡྷའི་གདམས་ངག་དེ།། བླ་མ་ཀུན་བཟང་ངག་ལ་དྲིས།། ཨེ་མ་སངས་རྒྱས་སུམ་ཅུ་དྲུག། རང་གི་ཙིཏྟའི་དཀྱིལ་ཉིད་ན།། སངས
234a5 རྒྱས་བྱེ་བ་འབུམ་ཁྲི་གྲངས།། ཆ་ཕྲ་གསལ་ལ་ཤིན་ཏུ་དྭངས།། མཛེས་པའི་འོད་ཟེར་ཕྱོགས་བཅུར་འཕྲོ།། བལྟ་བས་མི་སྐྱོ་མདུན་རྒྱབ་མེད།། སྣ་ཚོགས་གཅེར་གྲོལ་ཉིད་དུ་བཞུགས།། བླ་མ་དམ་པའི་ངག་གིས
234a6 གསལ།། སྔོན་གསུམ་ཟག་གཅོད་ངོ་སྤྲོད་དོ།། ཀྱེ་སེམས་དཔའ་རྡོ་རྗེ་རྩལ།། དག་པ་དབྱིངས་ཞེས་སྒྲོན་མ་ཉིད།། ངོ་བོ་ངེས་ཚིག་དབྱེ་བ་དང་།། རང་བཞིན་མཚན་སྒོམ་གོམས་དང་ཚད།། གནས་དང་འཆར་སྒོ་གནད
iiif viewer powered by OpenSeadragon
