| e-texts navigator |
| Wylie |
233a1 གསལ།། རང་ལ་ཚུར་བལྟས་ཆོས་སྐུའི་ཡུལ།། རང་གི་བྱང་ཁོག་སྟོད་ན་གནས།། ཡེ་ཤེས་ཡུལ་ནི་རང་གི་བྱད།། ཕྱིར་བལྟས་རིག་ཡུལ་དབྱིངས་ཉིད་ལ།། སྒྲོན་མའི་ཡུལ་ནི་ནམ་མཁའ་འོ།། ཡེ་ཤེས
233a2 ཡུལ་ནི་མེ་ཤེལ་ཡིན།། འོད་ཡུལ་རང་གི་རིག་པ་ལ།། མཚན་མ་འོད་ཀྱི་དཀྱིལ་འཁོར་རོ།། སངས་རྒྱས་ངོ་བོ་ཆོས་ཀྱི་སྐུ།། རང་གི་སྙིང་གི་དཀྱིལ་ན་བཞུགས།། སྐུ་ནི་ནང་གསལ་བུམ་སྐུ་ལ།། འོད་ནི་བུམ་ནང་མར
233a3 མེ་བཞིན།། ཡེ་ཤེས་རྨ་བྱའི་སྒོ་ང་འདྲ།། སྐུ་ལྔ་ཡེ་ཤེས་ཆོས་ཀྱི་སྐུ།། རིག་པ་འོད་ལུས་ཡེ་གདོད་ནས།། ཡུལ་དག་སྣང་བ་མ་འགགས་གནས།། སངས་རྒྱས་རང་ཆས་སྐུ་ཡེ་ཤེས།། འོད་དང་རིག་པ་ཟང་ཐལ་དུ།། ཡེ
233a4 ནས་རང་ཆས་ཙིཏྟར་གནས།། འོད་དང་འོད་ཁྱིམ་ཚུལ་དུ་སྣང་།། ཆོས་སྐུ་མི་འགྱུར་ཡེ་ཤེས་སྙིང་།། ཡེ་ཤེས་ལྷ་སྐུ་ལྷང་ངེ་བ།། འོད་དུ་བྱུང་ཞིང་ཟེར་དུ་གསལ།། དག་པའི་སྣང་བ་ཕྱོགས་བཅུར་ཤར།། ནུབ་པ་མེད
233a5 པར་ཙིཏྟར་གནས།། མཚན་མེད་ཡུལ་མེད་གྲུབ་པ་མེད།། རིག་པའི་ངོ་བོ་འགྱུར་བ་མེད།། ཐུགས་རྗེ་དབྲི་མེད་དྲི་མ་མེད།། འགག་མེད་མ་འགགས་ཐོགས་མེད་པ།། མ་འགགས་འོད་གསལ་ཡུལ་ལ་ཁྱབ།། མཐའ
233a6 མེད་ཡུལ་ཅན་རྒྱ་ཆད་མེད།། ཡེ་ཤེས་སྣང་བ་མ་འགགས་པར།། ཡུལ་ལ་སེམས་འཛིན་མ་ཞུགས་པར།། ཡེ་ཤེས་རྟོག་བྲལ་ཆེན་པོར་བཞུགས།། སྙིང་དཀྱིལ་ཆོས་སྐུ་སྟོང་པ་ལ།། ཡེ་ཤེས་ཞིང་ཁམས་ཁ་དོག
iiif viewer powered by OpenSeadragon
