| e-texts navigator |
| Wylie |
232b1 དང་།། དོན་དམ་ཀུན་རྫོབ་ཆོས་སྐུ་དང་།། སྦྱང་བགྲོད་མེད་པའི་ཆོས་སྐུ་དང་།། དག་པ་གསུམ་གྲོལ་ཆོས་སྐུ་དང་།། ཐབས་ཤེས་གཟུངས་ཀྱི་ཆོས་སྐུའོ།། ཤ་ནི་སྲ་བྱེད་རྡོ་རྗེ་དབྱིངས།། སྐྱེ་འཇིག་མེད་པར་སངས་རྒྱས
232b2 གནས། ཁྲག་ནི་རིན་ཆེན་གཏེར་གྱི་དབྱིངས།། ཐམས་ཅད་སྡུད་བྱེད་བྷུདྡྷའི་གནས།། དྲོད་ནི་མེ་དག་སྲེག་པའི་དབྱིངས།། གཟུང་འཛིན་སྲེག་པའི་བྷུདྡྷའི་གནས།། རླུང་དབུགས་ཡང་ཞིང་གཡོ་བའི་དབྱིངས།། ཀུན་ཏུ
232b3 སྐྱོསྤྱོད་བྱེད་བུདྡྷའི་གནས།། སེམས་ཉིད་རིག་པ་གཅེར་བུའི་དབྱིངས།། མ་བསྒྲིབས་མངོན་སུམ་བྷུདྡྷའི་གནས།། ལུས་ཀྱི་ཙིཏྟ་རིན་པོ་ཆེ།། འདུས་པ་ཟུར་བརྒྱད་གཞལ་ཡས་ཁང་།། དོན་ནི་རང་གི་ལུས་དཀྱིལ་ན།། ངོ
232b4 བོ་སྐུ་ནི་ཞི་བའི་ཚུལ།། གདངས་ཀྱི་སྐུ་ནི་སོ་དྲུག་བཞུགས།། སོ་སོ་རིགས་ཀྱི་མཚན་ཉིད་འཛིན།། རིག་པ་ཡེ་ཤེས་ཡབ་ཡུམ་སྣང་།། ཡབ་ཀྱི་ཆ་འཛིན་ཐབས་ཀྱི་སྐུ།། ཡུམ་གྱི་ཆ་འཛིན་ཤེས་རབ་སྐུ།། འོད་དང་འོད
232b5 ཟེར་ཞི་བའི་མདངས།། གནས་པའི་འོད་ཟེར་ཙིཏྟར་གནས།། རིག་པ་དངོས་མེད་ཆོས་སྐུ་ལ།། ཉོན་མོངས་པ་ཡི་དྲི་མ་མེད།། ཡེ་ཤེས་སྐུ་ལ་མདུན་རྒྱབ་མེད།། ཐུགས་རྗེའི་རྩལ་ལ་བྲི་བཀོལ་མེད།། རིན་ཆེན་གསང
232b6 བའི་སྦུབས་ཉིད་ནི།། རང་བཞིན་རྣམ་དག་ང་ཉིད་ལ།། རང་བཞིན་ཤེས་རྟོགས་འཁོར་དང་བཅས།། འདུ་འབྲལ་མེད་དེ་དབྱེར་མི་ཕྱེད།། གཟིགས་སྣང་གསུམ་ནི་མི་འགག་སྟེ།། ཡེ་ཤེས་སྣང་བ་འོད་ལྔར
iiif viewer powered by OpenSeadragon
