| e-texts navigator |
| Wylie |
232a1 དྲོད་འདི་ཉིད་སྙིགས་མ་ཡིན།། དེ་ཡི་དངས་མ་རང་དྲོད་ནི།། ཉི་འོད་ཙམ་གཅིག་སྙིང་དུ་གནས།། འགྲུ་བ་དབུགས་ནི་སྙིགས་མ་ཡིན།། དེ་ཡི་དངས་མ་དབུགས་ཉིད་ནི།། རྟ་རྔ་ཙམ་གཅིག་སྙིང་ན
232a2 གནས།། བྱང་ཁོག་རྩ་སྦུབས་སྟོང་པ་སྙིགས།། དངས་མ་ཐིག་ལེ་ཁྲ་ཡི་མིག། སྟོང་གསལ་སྙིང་གི་དཀྱིལ་ན་གནས།། གསང་བའི་དྲངས་སྙིགས་དབྱེ་བ་ནི།། ཡེ་ཤེས་རྣམ་ལྔ་དྭངས་མ་ལ།། ཕྱིར་ཤར་འོད་ལྔ་སྙིགས
232a3 མའོ།། དོན་ལྔ་སྐུ་ལྔ་ཡེ་ཤེས་ལྔ།། འོད་ལྔ་ཁ་དོག་ལྔ་དང་ལྡན།། དབྱེར་མེད་སྙིང་གི་དཀྱིལ་དུ་གནས།། དེ་ཡང་རྒྱས་པར་བཤད་པ་ན།། རིན་ཆེན་ཟུར་བརྒྱད་གཞལ་ཡས་དང་།། འགྱུ་བྱེད་རྩ་ཡི་གཞལ་ཡས
232a4 དང་།། དུང་ཁང་བྷནྡྷའི་གཞལ་ཡས་དང་།། ལྟ་བྱེད་མིག་གི་གཞལ་ཡས་ཁང་།། གཞལ་ཡས་ཆེན་པོ་དེ་བཞིན།། གསང་སྔགས་ཀུན་གྱི་གསང་ཆེན་ཉིད།། ཆོས་སྐུ་ངོ་བོ་བཅུ་དྲུག་ཚུལ།། དབྱེར་མེད་གཅིག་གི་ཚུལ་དུ
232a5 བཞུགས།། གཉིས་མེད་ཡེ་རྫོགས་ཆོས་སྐུ་དང་།། ཡེ་ནས་རང་བྱུང་ཆོས་སྐུ་དང་།། དུས་གསུམ་སྒྲིབ་མེད་ཆོས་སྐུ་དང་།། སྤང་ལེན་མི་མངའ་ཆོས་སྐུ་དང་།། རང་བྱུང་འགྱུར་མེད་ཆོས་སྐུ་དང་།། མ་རིག་པ་ཡི་ཆོས་སྐུ
232a6 དང་།། སྦྱོར་བ་མེད་པའི་ཆོས་སྐུ་དང་།། གཞོན་ནུ་བུམ་སྐུའི་ཆོས་སྐུ་དང་།། རྒྱ་ཆེ་རབ་འབྱམས་ཆོས་སྐུ་དང་།། མི་རྟག་སྡུག་བསྔལ་ཆོས་སྐུ་དང་།། སྟོང་པ་རིག་ཅན་ཆོས་སྐུ་དང་།། ཐམས་ཅད་མཁྱེན་པའི་ཆོས་སྐུ
iiif viewer powered by OpenSeadragon
