| e-texts navigator |
| Wylie |
231b1 འཁོར་རྣམས་ལ།། སྒྲ་བརྗོད་བྲལ་བའི་བསྟན་པ་བཤད།། ཨེ་མ་ངོ་མཚར་རྨད་ཀྱི་ཆོས།། མ་འཁྲུལ་དག་པའི་བློ་ཡིས་ཟུང་།། ཨ་ཧོ། ཙིཏྟ། རོ་མ། གོ་རོ། བྷུདྡྷ། ཛྙཱ་ན། རུ་པ། ཧ་ག་ལ། བྷ་ཀྵོ། སྣང་སྲིད་ཡེ་ཁྱབ་ཀུན
231b2 བཟང་ལ།། རིག་པའི་སྙིང་པོ་རང་ཤར་བྱུང་།། ཀུན་ལ་འཇུག་ཅིང་གསལ་བར་འཆར།། གནས་ནི་ཙིཏྟའི་དཀྱིལ་ན་གནས།། གསལ་ནི་དབང་པོའི་སྒོ་ལ་གསལ། ཁྱབ་ནི་སྣང་སྲིད་ཀུན་ལ་ཁྱབ།། བྱུང་ནི་ཕྱི་རོལ་རྐྱེན
231b3 དུ་བྱུང་།། བསྟན་དུ་མཚན་མའི་དངོས་པོ་མེད།། མཐོང་དུ་དམིགས་ཡུལ་ཡིད་དཔྱོད་བྲལ།། ཤེས་སུ་ཚིག་བརྗོད་ཀུན་ལས་འདས།། མིང་འདོགས་མ་གྲུབ་མངོན་སུམ་མ།། འབྱུང་བའི་དངས་སྙིགས་འབྱེད་པ་ལ།། ཕྱི
231b4 དང་ནང་དང་བར་དང་གསུམ།། ས་རྡོ་རི་བྲག་སྙིགས་མ་སྟེ།། དྭངས་མ་རྩི་ཤིང་ནགས་ཚལ་དང་།། འབྲུ་སྣ་རྩི་ཐོག་དྭངས་མའོ།། གླིང་བཞི་གླིང་ཕྲན་སྙིགས་མ་ལ།། རི་རྒྱལ་རི་བདུན་དངས་མའོ།། ཆུ་ཡི་དངས་མ་ཟླ
231b5 ཆུ་ཤེལ།། མེ་ཡི་དྲངས་མ་ཉི་མེ་ཤེལ།། རྡོ་ཡི་དྲངས་མ་གཡུ་རིན་ཆེན།། ས་ཡི་དྲངས་མ་གསེར་ལ་སོགས།། རླུང་གི་དྲངས་མ་རང་སྒྲ་སྟེ།། ཀུན་འདུས་དྲངས་མ་འཇའ་གཟའ་སྐར།། ནང་གི་དྭངས་སྙིགས་དབྱེ་བ
231b6 ལ།། ཤ་རུས་སྤུ་ལྤགས་སྙིགས་མ་སྟེ།། དེ་ཡི་དྭངས་མ་ག་ཏི་ཀ། ཤེལ་དཀར་སྐུད་པ་སྙིང་ན་གནས། ཁྲག་དང་ཆུ་སེར་སྙིགས་མ་ཡིན།། དེ་ཡི་དྭངས་མ་ཁྲག་ཐིགས་ནི།། མཐེ་བོང་ཙམ་གཅིག་སྙིང་ན་གནས།། ལུས
iiif viewer powered by OpenSeadragon
