| e-texts navigator |
| Wylie |
231a1 འཇིག་ཡེ་བྲལ་ལ།། རྡོ་རྗེ་ཞེས་སུ་ང་ཡིས་བཤད།། ལུས་འདི་གང་ཟག་ལྷ་མི་ཡང་།། དགོངས་པའི་ཆོས་ཉིད་སངས་རྒྱས་ཏེ།། ང་ཡི་རང་བྱུང་ཡེ་ཤེས་ཁྱབ།། ཐུགས་རྗེའི་རང་བྱུང་ཡེ་ཤེས་ལྔ། ཁམས
231a2 གསུམ་རྒྱུ་དྲུག་འབྱུང་བ་ཡང་།། དེ་བཞིན་ང་ཡི་ངོ་བོར་བཤད།། ཅེས་གསུངས་ནས་བརྡལ་ཁྱབ་ཆེན་པོའི་ངང་དུ་ལྷན་ནེར་བཞུགས་སོ།། ཐེག་པ་ཀུན་གྱི་སྤྱི་ཕུད་ཀློང་ཆེན་རབ་འབྱམས་ཀྱི་རྒྱུད་ལས། སེམས་ཅན་ལ
231a3 སངས་རྒྱས་ཀྱི་རྒྱུ་འམ་གཞི་ས་བོན་ཇི་ལྟར་ཁྱབ་ཚུལ་བསྟན་པའི་ལེའུ་སྟེ་བཞི་པའོ།། །། ས་མ་ཡ། རྒྱ་རྒྱ་རྒྱ། མས་ས་རྒྱ་མ་མམས་སས་འརྒྱཿ། དེ་ནས་སེམས་དཔའ་རྡོ་རྗེ་ཡིས།། ཀུན་བཟང་ཉིད་ལ་འདི
231a4 སྐད་གསོལ།། ཀྱེ་ཡང་དག་དོན་རྟོགས་ཀུན་ཏུ་བཟང་།། བདེ་སྤྱོད་ཀུན་ཁྱབ་ཀློང་ཆེན་འབྱམས། ཁམས་གསུམ་སེམས་ཅན་ཐམས་ཅད་ལ།། ས་བོན་ཁྱབ་ཚུལ་གསུང་ན་ཡང་།། གནས་པའི་ས་ནི་གང་ན
231a5 གནས།། དངས་དང་སྙིགས་མ་གང་ལ་གནས།། བརྟེན་པའི་ས་ནི་གང་ལ་བགྱི།། གནས་པའི་ཡེ་ཤེས་ཇི་ལྟ་བུ།། བདག་ཅག་འཁོར་ལ་བཀའ་སྩོལ་ཅིག། དེ་སྐད་གསོལ་བས་ཐུགས་དགོངས་ནས།། འདུས་པའི
231a6 འཁོར་ལ་བཀའ་སྩལ་པ།། ཀྱེ་ཧོ།། གཉིས་མེད་གསལ་བའི་གཞལ་ཡས་ན།། དཔག་མེད་དམིགས་མེད་དཀྱིལ་འཁོར་ཤར།། མི་འགྱུར་ཡེ་ཤེས་སྟོན་པ་ངས།། ཐེག་པ་སྤྱི་དང་རང་མིན་པ།། མ་འདྲེས་ཡོངས་རྫོགས
iiif viewer powered by OpenSeadragon
