| e-texts navigator |
| Wylie |
230b1 ཏེ་ལུས་གཟུགས་འཛིན།། ནམ་མཁའ་སེམས་ཏེ་ལུས་མདངས་འཛིན།། ཉི་ཟླ་མིག་སྟེ་གསལ་བར་བྱེད།། སེམས་ཉིད་ངོ་ལས་ཆོས་རྣམས་ཀུན།། ཡེ་ནས་ལྷུན་གྲུབ་ཚུལ་དུ་གནས།། ལུས་དང་སེམས་ལ་ཚང་བའི
230b2 ཕྱིར།། ཕྱི་རོལ་སྣང་བ་ཉིད་ལས་གྲུབ།། དེ་ཡང་ཐོག་མའི་ཡེ་ཤེས་གསུམ།། ཀ་དག་གཞི་ཡི་སྟེང་ན་ཚང་།། དེ་ལྟར་རྟོགས་པར་གྱུར་པ་ན།། འདི་ལྟར་ཁམས་གསུམ་འཁོར་བ་ཡང་།། སངས་མ་རྒྱས་པ་གཅིག་ཀྱང
230b3 མེད།། དོན་དེ་ངེས་པར་རྟོགས་འདོད་ན།། དེས་ནི་ནམ་མཁའ་ལྟ་བུར་བལྟ།། དོན་ནི་ཆོས་ཉིད་སྐྱེ་བ་མེད།། རྟགས་ནི་སེམས་ཉིད་འགག་པ་མེད།། ང་ཡིས་མ་བསྒྲུབས་ཀུན་ཁྱབ་པས།། གསལ་བའི་ཡེ་ཤེས་གཞལ
230b4 ཡས་ཁང་།། རང་བྱུང་ཉིད་ལས་གཞན་མི་བཞུགས།། ཆེན་པོ་ལྔ་དང་ཁམས་གསུམ་རྣམས།། ང་ཡི་སྐུ་གསུང་ཐུགས་བཀོད་ཡིན།། དུས་གསུམ་སངས་རྒྱས་སེམས་ཅན་རྣམས།། ང་ཡིས་ཁྱེད་ལ་བསྟན་པ་ཡིན།། ངེས
230b5 པ་གཅིག་ལ་བདེན་པ་གཉིས།། ཤིང་སྡོང་ཡལ་ག་སྡེ་བཞིན་ནོ།། རྒྱུ་ནི་ལྷུན་གྲུབ་ཐུགས་རྗེ་ལས།། འབྲས་བུ་ཁམས་གསུམ་སེམས་ཅན་ཏེ། ཁམས་གསུམ་སེམས་ཅན་རྒྱུ་བྱས་ནས།། འབྲས་བུ་སངས་རྒྱས་མིང
230b6 བཏགས་ཏེ།། རྒྱུ་འབྲས་དཔེ་དོན་དེ་རུ་བསྟན།། རྒྱུ་ནི་ཁམས་གསུམ་སེམས་ཅན་ལ།། འབྲས་བུ་སངས་རྒྱས་ལུང་བསྟན་པ།། དེ་ནི་སེམས་ཅན་དྲང་བའི་དོན།། ཡང་དག་སེམས་ཅན་སངས་རྒྱས་མེད།། སྙིང་པོ་སྐྱེ
iiif viewer powered by OpenSeadragon
