| e-texts navigator |
| Wylie |
230a1 སྲོག་ཀྱང་གཅོད།། སྒྲོལ་བར་བྱེད་པའི་ཤེས་རབ་བོ།། ཐམས་ཅད་ངོ་བོར་དེ་བྱུང་བས། ཁྱད་པར་བྱེད་པའི་ཤེས་རབ་བོ།། རླུང་གིས་ཡེ་ཤེས་མཁའ་བསྐྱོད་པས།། བསྐྱོད་པར་བྱེད་པའི་ཤེས་རབ
230a2 བོཔོ།། རིག་པ་ཉིད་ལས་མ་འདས་པས།། རང་བྱུང་ཡེ་ཤེས་རང་གནས་སོ།། གསལ་ལ་རྟོག་པ་ཡེ་མེད་དེ།། སྒོ་ལྔའི་རྣམ་ཤེས་ཡིད་མ་བསླད།། མེད་ཅིང་མི་བདེན་ཡེ་ཤེས་སོ།། ཀུན་གཞིའི་རྣམ་ཤེས་ཉོན་མོངས
230a3 ཀྱི།། ཡིད་ཀྱིས་བདག་ཏུ་མ་བཟུང་སྟེ།། རང་བཞིན་མཚན་ཉིད་ཆོས་ཀྱི་དབྱིངས།། ཡིད་གཉིས་རྟོག་པ་ཀུན་དང་བྲལ།། ཆོས་སྐུ་ཐིག་ལེ་ཉག་གཅིག་གོ། ཡེ་ནས་རང་བྱུང་རང་ཁྱབ་པས།། རང་བྱུང་གི་ནི་ཡེ་ཤེས
230a4 སོ།། ཡེ་ནས་འགྱུར་མེད་སངས་རྒྱས་པས།། རྡོ་རྗེ་འཆང་ངམ་བུདྡྷའོ།། སྐུ་དང་འོད་དང་ཡེ་ཤེས་གསུམ།། བརྩེགས་སམ་གཅིག་སྟེ་མ་འདྲེས་གནས།། ངོ་བོ་སྐུ་ལ་རང་བཞིན་ལོངས།། ཐུགས་རྗེ་སྤྲུལ་པའི་སྐུ
230a5 རུའོ།། འོད་མདངས་རང་ཤར་ཡེ་ཤེས་རྩལ།། སངས་རྒྱས་ཆོས་དང་དགེ་འདུན་ཀྱང་།། ཡེ་རྫོགས་རང་གི་ལུས་ལ་གནས།། ཆོས་ལོངས་སྦྲུལ་དང་སྡེ་སྣོད་གསུམ།། ཐེག་དགུ་མྱང་འདས་དཀར་ཆོས་རྣམས།། ལུས
230a6 དང་སེམས་ལ་ཡེ་ནས་རྫོགས།། གཞན་དུ་བཙལ་བས་རྙེད་མི་འགྱུར།། རྣལ་འབྱོར་ཉིད་ཀྱི་ལུས་ལ་ཚང་།། ས་ནི་ཤ་སྟེ་དངོས་པོ་ཅན།། ཆུ་ནི་ཁྲག་སྟེ་སྡུད་པར་བྱེད།། མེ་ནི་དྲོད་སྟེ་ལུས་ཀུན་སྨིན།། རླུང་ནི་དབུགས
iiif viewer powered by OpenSeadragon
