| e-texts navigator |
| Wylie |
22b1 པ་མེད་པའི་ཚུལ་གྱིས་གཟིགས།། སྤྱན་མིག་དམར་སེར་ཤིན་ཏུ་ལྕི།། འབྲས་བུ་མཐིང་ནག་འདྲིལ་ལ་འཚེར།། སྨིན་མ་གློག་འགྱུས་སྟོང་ཁམས་གསལ།། རྫི་མ་ལྕགས་ཀྱུ་ཤིན་ཏུ་འཁྲུགས།། སྙན་ནས་འབྲུག་སྒྲོགས
22b2 སྟོང་གསུམ་འགེངས།། ཤངས་ནས་རླུང་འཚུབས་རྡོ་རྗེར་འཕྲོ།། ཞལ་གདངས་གྲུ་གསུམ་ཧོམ་ཁུང་དབྱིབས།། ཚེམས་ཀྱིས་སྐྱེ་ཤི་རྩད་གཅོད་པ།། མཆེ་བ་བཅུ་གཉིས་དཀར་ལ་འཚེར།། ཟུར་གསུམ་རི་རབ་ཕུར་བུས
22b3 བསྣོལ།། ལྗགས་ཀྱིས་དུག་གསུམ་རིལ་མིད་མཛད།། ཨག་ཚོམ་མེ་སྟག་དམར་པོས་མཛེས།། བཅུ་བདུན་གདུག་པའི་གསུང་སྒྲ་ཡིས།། སྟོང་གསུམ་སྤྲུལ་པས་འགེངས་པའོ།། ཕྱག་དྲུག་འབར་བའི་གཡས་དང
22b4 པོ།། བེ་ཅོན་འཕྱར་ཞིང་ནམ་མཁར་གདེངས།། གཡས་པར་གཡས་ཀྱི་ཐ་མ་ན།། རལ་གྲི་ལྕགས་ཀྱུ་རབ་བསྣམས་པ།། གཡོན་གྱི་དང་པོ་བྷ་ན་དམར་རྔུབ།། བར་མ་དེ་བཞིན་སྡིགས་མཛུབ་བསྒྲེང་།། ཐ་མས་ས་གཞི
22b5 རབ་མནན་ནས།། རཀྟའི་རྒྱ་མཚོ་འཁྲུགས་པའོ།། བ་སྤུ་རྩང་ཕུར་གཤིབས་པ་ལས།། མེ་སྟག་ཐུ་ལུམ་རབ་ཏུ་འཁྲུགས།། སྟོབས་དང་བྱཱ་གྷཱ་ཅར་མ་དང་།། ཚངས་པའི་གཡང་གཞིན་ན་བཟར་བཀླུབས།། རུ་དྷི
22b6 རཀྟ་ཐལ་བས་མཚན།། གདུག་སྦྲུལ་རིགས་བཞིས་ཡན་ལག་དཀྲིས།། རྣམ་དྲང་ཐོད་རློན་འབར་བས་ཀྱང་།། སེ་རལ་ཁ་རུ་བརྒྱན་པའོ།། ཞབས་ནི་ན་རག་དམྱལ་ཁམས་གཟིར།། མེ་དཔུང་གདུག་པའི་ཀློང་དཀྱིལ
iiif viewer powered by OpenSeadragon
