| e-texts navigator |
| Wylie |
229b1 ཡེ་གྲོལ་འབད་རྩོལ་བྲལ།། བྱ་གྲུབ་ཡེ་ཤེས་ཡེ་ནས་གནས།། རིག་པ་དེ་རྣམས་ཐ་མི་དད།། ཆོས་དབྱིངས་ཉག་གཅིག་ཐིག་ལེར་གཅིག། ཆོས་དབྱིངས་ཡེ་ཤེས་ཡེ་ནས་གནས།། རིག་པ་དྲོད་ཕེབས་མེ་དང
229b2 མཉམ།། འཁོར་དང་འདས་པའི་སྲོག་འཛིན་པ།། ཡེ་ཤེས་སྒྲོན་མ་དངས་སྙིགས་དང་།། དོན་དམ་ཀུན་རྫོབ་དབང་པོའི་ཡུལ། ཁ་དོག་འབྱེད་པ་དངས་སྙིགས་རླུང་།། འཁོར་འདས་ཀུན་ཁྱབ་ཁྱབ་བྱེད་རླུང་།། འཁོར
229b3 སྲོག་གཅོད་ཅིང་མྱང་འདས་འཕེན།། སྙིང་རྗེ་མེད་པའི་རླུང་དུ་གནས།། སྔར་འདས་ཤུལ་དུ་རིག་པ་གཤེགས།། དེ་བཞིན་གཤེགས་པ་ཡེ་ནས་གནས།། མཐོ་རིས་ངན་སོང་གང་ལ་ཡང་།། བཟང་ངན་མེད་པ་རྡོ་རྗེའི
229b4 རིགས།། དེ་ལ་འཁོར་འདས་ཡོན་ཏན་རྫོགས།། རིན་པོ་ཆེ་ཡི་རིགས་སུ་གནས།། དེ་ལ་འཁོར་བའི་སྐྱོན་མ་གོས།། པདྨའི་རིགས་སུ་ཡེ་ནས་གནས།། དེ་ཉིད་ལས་སྣང་ཀུན་དངོས་པས།། སངས་རྒྱས་དུས་ན་ལས་ཀྱི
229b5 རིགས།། རིག་པ་ངོ་བོ་ཀ་དག་ལ།། ལས་དང་ཉོན་མོངས་དྲི་མེད་པས། ཁ་དོག་དཀར་པོར་ཡེ་ནས་གནས།། ཡོན་ཏན་རང་རྫོགས་སེར་པོ་སྟེ།། དབང་བཞི་ཡེ་རྫོགས་དམར་པོ་ལ།། རྩོལ་བ་ལས་འདས་ལྗང་གུར
229b6 གྲུབ།། སྣ་ཚོགས་འགྱུར་མེད་མཐིང་གའོ།། འཁོར་འདས་མ་ལུས་ཀུན་འབྱུང་བས།། འབྱེད་པར་བྱེད་པའི་ཤེས་རབ་སྟེ།། དེ་ཉིད་རིག་ལས་མ་འདས་པས།། སྡུད་པར་བྱེད་པའི་ཤེས་རབ་བོ།། འཁོར་འདས་ཀུན་གྱི
iiif viewer powered by OpenSeadragon
