| e-texts navigator |
| Wylie |
229a1 སྟེ།། གཞལ་ཡས་རྣམ་པར་རང་ལུས་ལ།། ཡེ་རྫོགས་སྒྲུབ་རྟེན་མཆོད་རྫས་དང་།། དུར་ཁྲོད་བརྒྱད་དང་བཅས་པ་སྟེ།། རང་རིག་སེམས་ཀྱི་དཀྱིལ་འཁོར་དུ།། ཡེ་རྫོགས་ཐིག་ལེ་ཉག་གཅིག་དང་།། རྒྱ
229a2 ཆད་ཕྱོགས་ལྷུང་ཀུན་དང་བྲལ།། དཀྱིལ་འཁོར་གཞལ་ཡས་ཕུང་པོ་ཡིན།། དེས་ན་སྲིད་གསུམ་དཀྱིལ་འཁོར་ཆེ།། དེས་ནི་རང་ལུས་གདོས་བཅས་ཉིད།། རང་བཞིན་ལྷུན་གྲུབ་སངས་རྒྱས་བསྟན།། སྐུ་དང་ཡེ་ཤེས
229a3 རིག་པ་ལ།། ཡེ་ནས་རྫོགས་པའི་རྣམ་དབྱེ་ཡང་།། ཡེ་ཤེས་ལྔ་དང་སྐུ་ལྔ་སྟེ།། རླུང་ལྔ་ཤེས་པའི་རྩལ་ཀྱང་ལྔ།། འོད་ལྔ་ཁ་དོག་རྣམ་པ་ལྔ།། ཤེས་རབ་ལྔ་དང་རིགས་ལྔ་དང་།། སྣང་ཡུལ་དེ་ཉིད་རིག་པར་སྣང་།། སྣང
229a4 མཛད་མ་བཙལ་ཡེ་ནས་གནས།། རྟོག་འགགས་རིག་པ་རྡོ་རྗེ་སེམས།། མི་འགྱུར་མི་བསྐྱོད་རྩོལ་མི་དགོས།། རང་རིག་ཡེ་ཤེས་ཉམས་འཕེལ་རྒྱས།། རིན་ཆེན་ཡོན་ཏན་ཡེ་ནས་གནས།། འོད་ཀྱིས་ཞིང་ཁམས་མཐའ
229a5 ཡས་སྣང་།། སྣང་མཐའ་མ་བཙལ་ཡེ་ནས་གནས།། རིག་པ་བུདྡྷའི་ས་བོན་ཚུལ།། ཉམས་བླངས་དོན་གྲུབ་རང་གྲོལ་བས།། དོན་གྲུབ་རང་ལ་ཡེ་ནས་གནས།། རིག་པ་ཆོས་སྤྱིའི་དོན་རབ་གསལ།། མེ་ལོང་ཡེ་ཤེས
229a6 ཡེ་ནས་གནས།། རིག་པ་ཡེ་མཉམ་སྒྱུ་མ་མཉམ།། རྐྱེན་ཉིད་གདམས་པས་ཚད་ལ་ཕེབས།། མཉམ་ཉིད་ཡེ་ཤེས་ཡེ་ནས་གནས།། རིག་པ་སོ་སོར་རྟོག་དཔྱོད་བཏང་།། སོར་རྟོགས་ཡེ་ཤེས་ཡེ་ནས་གནས།། རིག་པ
iiif viewer powered by OpenSeadragon
