| e-texts navigator |
| Wylie |
228b1 བཤད།། སངས་རྒྱས་སེམས་ཅན་མེས་པོ་ང་།། ང་ནི་རང་བྱུང་ཡེ་ཤེས་ཏེ།། ང་ནི་ཆོས་ཀུན་སྙིང་པོ་ཡིན།། ང་ནི་ཀུན་གནས་རྩ་བ་བཞིན།། སྙིང་པོ་རང་བྱུང་ཡེ་ཤེས་ངས།། སྣང་བ་དང་ནི་སྲིད་པ་དང་།། སྣོད་དང
228b2 བཅུད་ཀྱིས་བསྡུས་པ་དང་།། དུས་གསུམ་སངས་རྒྱས་ཐམས་ཅད་དང་། ཁམས་གསུམ་རྒྱུད་དྲུག་སེམས་ཅན་དང་།། དེ་བཞིན་དུ་ནི་ཐམས་ཅད་ལ།། མ་ལུས་ཁྱབ་དེ་འུབ་ཆུབ་བོ།། དེ་ནི་ཀུན་ཁྱབ་གནས་ལུགས
228b3 ཏེ།། རང་རིག་ཡེ་ཤེས་ནུས་ལ་གནས།། ཏིལ་འབྲུ་ལ་ནི་མར་བཞིན་དུ།། ལུས་ཀྱི་བཀྲགས་དང་གཟི་མདངས་ནི།། ཡེ་ཤེས་རླན་གྱིས་ཁྱབ་པའོ།། འགྲོ་བའི་ལུས་ལ་སྐུ་ལྔ་དང་།། ཡེ་ཤེས་ལྔ་དང་རིགས་ལྔ
228b4 དང་།། འོད་ལྔ་རླུང་ལྔ་ཤེས་རབ་ལྔ།། ཡེ་ནས་གནས་པའི་རྟགས་ཉིད་དུ།། མ་དག་རང་ངོ་མ་ཤེས་དུས།། ཕུང་པོ་ལྔ་དང་འབྱུང་བ་ལྔ།། དབང་པོ་ལྔ་དང་འདོད་ཡོན་ལྔ།། ཉོན་མོངས་ཕྱོགས་ལྔ་ལ་སོགས
228b5 འཛིན།། ཕུང་པོ་སངས་རྒྱས་སྐུ་ལྔའི་བདག། འགྲོ་བའི་ལུས་འདི་བུདྡྷའི་སྐུ།། ཕུང་པོ་ཁམས་དང་སྐྱེ་མཆེད་ཀུན།། རིགས་དང་རིགས་ཀྱི་བདག་པོར་གྲོལ།། ཉོན་མོངས་ལྔ་ནི་ཡེ་ཤེས་ལྔ།། ཡུལ་ལྔ་ལ་ནི་འོད་ལྔའི
228b6 སྐུ།། ཕུང་པོ་ལྔ་ལ་སངས་རྒྱས་ལྔ།། འབྱུང་བ་ལྔ་ལ་ཡུམ་ལྔར་རྟོགས།། སྲིད་པ་གསུམ་ཉིད་སངས་རྒྱས་ཞིང་།། གཉིས་མེད་ལྟ་བའི་རང་ལུས་ཡིན།། དེ་ལྟར་དཀྱིལ་འཁོར་ཆེན་པོ་རྣམས།། རང་རང་ལུས་ལ་རྫོགས་པ
iiif viewer powered by OpenSeadragon
