| e-texts navigator |
| Wylie |
228a1 ལ།། རྐྱེན་གྱིས་ཆུ་རིགས་མི་གཅིག་བཞིན།། ཐིག་ལེ་ཆེན་པོའི་ཀུན་ཁྱབ་ལ།། སྣང་ཚུལ་བགྲངས་ལང་མཐོང་ཚུལ་མང་།། སེམས་ཅན་སངས་རྒྱས་སྙིང་པོ་ཅན།། ཉི་མ་དང་ནི་འོད་ཟེར་བཞིན།། ཐིག
228a2 ལེ་ཆེ་ལས་མ་འདས་པར།། སྐྱེ་འགྲོ་ལ་སོགས་ཅིར་ཡང་བྱུང་།། སེམས་སུ་མཉམ་ལ་བཟང་ངན་བྱུང་།། སྐུ་གསུམ་འབྲས་བུ་མ་སྨིན་ཀྱང་།། རྒྱུ་ཡིས་ཀུན་ལ་ཁྱབ་པ་ནི།། གླ་བ་ཕོ་ལ་རྩི་བཞིན་ནོ།། ཆོས་ཉིད་བྱང་ཆུབ
228a3 དགོངས་པ་དེ།། དགོངས་ཚོགས་རྣམ་པ་གསུམ་དག་གིས།། ནམ་མཁའ་བཞིན་དུ་ཀུན་ཁྱབ་ནས།། ཀུན་བྱས་ཀུན་བསྐྱེད་ས་བོན་བཞིན།། ང་མེད་པ་ཡི་སྔོན་རོལ་ན།། ཆོས་རྣམས་འབྱུང་བའི་ལྟེ་བ་ཆད།། ང་མེད་པ
228a4 ཡི་སྔོན་རོལ་ན།། འཁོར་འདས་འབྱུང་བའི་ལྟེ་བ་ཆད།། ང་མེད་པ་ཡི་སྔོན་རོལ་ན།། ཆོས་ཀུན་བྱེད་པའི་རྒྱལ་པོ་མེད།། ང་ཡིས་མ་ཁྱབ་གཞན་དག་ན།། སྟོན་བསྟན་འཁོར་ཞེས་བྱ་མ་གྲུབ།། ང་ཡིས་མ་ཁྱབ་གཞན
228a5 དག་ན།། སྦྱང་གཞི་སྦྱོང་བྱེད་ཡོངས་མ་གྲུབ།། འདི་ལྟར་སྣང་བའི་ཆོས་རྣམས་ཀུན།། ལྔ་འམ་མ་ཤེས་བཞི་ཡིས་ཁྱབ།། འདོད་པའི་ཁམས་ཀྱང་ཀུན་བཟང་ང་།། གཟུགས་མེད་ཁམས་ཀྱང་ཀུན་ཏུ་བཟང
228a6 པོ་ང་།། གཟུགས་ཀྱི་ཁམས་ཀྱང་ཀུན་ཏུ་བཟང་པོ་ང་།། ངེས་ཁྱབ་ཐམས་ཅད་བདེ་གཤེགས་སྙིང་པོའམ།། ཀུན་གྱི་ཐིག་ལེ་ས་བོན་ཚུལ་དུའོ།། ཁམས་གསུམ་རྒྱུད་དྲུག་སེམས་ཅན་ལ།། རང་བྱུང་ངེས་མེད་ངས་མ
iiif viewer powered by OpenSeadragon
