| e-texts navigator |
| Wylie |
227a1 མདངས་རིག་པའི་འཁོར་རྣས་གསོན།། སེམས་ཅན་ཁམས་གསུམ་གནས་པ་ལ།། སངས་རྒྱས་དང་ནི་བྱང་སེམས་ཉིད།། ཀུན་ལ་ཁྱབ་ཚུལ་འདི་ལྟར་རོ།། བདེ་བར་གཤེགས་པའི་སྙིང་པོ་ངས།། སངས
227a2 རྒྱས་སེམས་ཅན་ཐམས་ཅད་ལ།། ཏིལ་ལ་མར་གྱིས་ཁྱབ་བཞིན་གནས།། ཐམས་ཅད་ཁྱབ་པའི་རང་བྱུང་ང་།། རྒྱུ་རྐྱེན་མེད་པའི་སྙིང་པོ་སྟེ།། རྩོལ་བ་འདུན་པས་དག་འགྱུར་འགྲོགས།། ཆོས་ཉིད་སྙིང་པོ་ང་ཉིད
227a3 ཀྱིས།། འཁོར་དང་འདས་པ་ཀུན་ལ་ཁྱབ།། ཨེ་མ་ཧོ།། རང་བྱུང་རྩོལ་བྲལ་ཀློང་ཆེན་དེ།། ཀུན་ལ་ལྷུན་གྲུབ་ཡེ་ཁྱབ་ཅིང་།། སེམས་ཅན་སངས་རྒྱས་འཁོར་མྱང་འདས།། རྒྱུ་གཅིག་ཀློང་ཆེན་ང་ཡིས་ཁྱབ།། ས་ཆུ་མེ
227a4 རླུང་ནམ་མཁའ་དང་།། བདག་གཞན་གཉིས་དང་འཇིག་རྟེན་ཐེག། རིགས་དྲུག་མུ་སྟེགས་རྟག་ཆད་དང་།། ལམ་སྐས་ཐེག་པ་རིམ་པ་དགུ།། ཀུན་ཀྱང་ང་ཡི་ཀློང་ན་ཐིམ།། སེམས་གཅིག་ཀུན་གྱིས་ཆོས་དབྱིངས་ཁྱབ།།
227a5 ཁྱབ་པས་རྩ་བའི་དོན་འདི་གཅིག། གཅིག་པས་སེམས་ཅན་སངས་རྒྱས་གྲོལ།། གྲོལ་བས་ཆོས་ཀུན་དབྱིངས་སུ་གཅིག། དཔེ་འབྲས་དོན་རྣམས་སྣང་བར་དག། སྤྲོས་མེད་སྒྲོ་སྐུར་ཟློས་པའི་ཀློང་།། ཀུན་གྱི་སྙིང་པོ
227a6 བྱང་ཆུབ་སེམས།། དཔེར་ན་ནམ་མཁའ་སྟོང་པ་ཡིས།། ཀློང་ན་ཡོད་པའི་འབྱུང་ཆེན་སོགས།། སྣོད་བཅུད་ཀུན་ཁྱབ་ཇི་བཞིན་ནོ།། ཡང་དག་སངས་རྒྱས་དགོངས་པ་ནི།། སེམས་ཅན་ཀུན་གྱི་རང་རྒྱུད་ལ།། སྐུ་དང་ཡེ
iiif viewer powered by OpenSeadragon
