| e-texts navigator |
| Wylie |
226a1 སྙོམས་སོ།། ལྷ་མིན་རྣམས་ལ་གོ་མཚོན་ཏེ།། ལྷ་རྣམས་འདོད་པའི་ཡོན་ཏན་ནོ།། དཔེར་ན་མྱུར་འགྲོའི་འཁོར་ལོ་བཞིན།། རྒྱུན་ཆགས་འཁོར་ལ་ཡུན་རིང་གནས།། དེ་ལྟར་སྣང་བ་སྣ་ཚོགས
226a2 རྣམས།། ཟག་པ་ལ་ནི་སྦྲུལ་མཐོང་བཞིན།། དེ་མ་ཡིན་ལ་དེར་བཟུང་སྟེ།། ཕྱི་ནང་སྣོད་བཅུད་གཉིས་སུ་ཆགས།། བཅུད་ཀྱི་འགྲོ་བ་རིགས་དྲུག་ལ།། ཚེ་ཚད་དུས་ཚད་ལོངས་སྤྱོད་དར།། བདེ་སྡུག་སྐྱེ་བ་བཞི་དག
226a3 སྟེ།། གཏི་མུག་དག་གིས་བརྫུས་ཏེ་སྐྱེས།། ང་རྒྱལ་དག་གིས་སྒོ་ང་ལ།། ཞེ་སྡང་དག་གིས་དྲོད་གཤེར་ལ།། འདོད་ཆགས་དག་གིས་མངལ་ལས་སྐྱེ།། ནད་རིགས་བཞི་བརྒྱ་རྩ་བཞི་དང་།། བགེགས་རིགས་སྟོང་ཕྲག
226a4 བརྒྱད་ཅུ་དང་།། ཉོན་མོངས་བརྒྱད་ཁྲི་བཞི་སྟོང་རྒྱས།། སངས་རྒྱས་སེམས་ཅན་གཉིས་སུ་ཕྱིས།། འཁྲུལ་པའི་འདྲ་དཔེ་བསྟན་པ་ནི།། ཀུན་གཞིའི་རྣམ་ཤེས་ཁྱིམ་དང་མཚུངས།། གཟུང་འཛིན་ནོར་རྣམས་སོགས་པར
226a5 བྱེད།། ཉོན་མོངས་ཡིད་ནི་ཆུང་མ་འདྲ།། བདག་འཛིན་དབྱེ་བ་འཛིན་པར་བྱེད།། ཡིད་ཀྱི་རྣམ་ཤེས་ཁྱོ་དང་འདྲ།། སྒོ་ལ་ཞུགས་ཏེ་ལས་རྣམས་སོགས།། སྒོ་བཞིའི་རྣམ་ཤེས་བུ་དང་འདྲ།། ཀུན་ལ་རིས་དང་བདག
226a6 བཟུང་བྱེད།། ལུས་ནི་རྣམ་ཤེས་མནའ་མ་འདྲ།། གཟུང་འཛིན་ཆགས་སྡང་རབ་ཏུ་སྤྱོད།། དེ་ཡིས་རྒྱུད་དྲུག་འཁོར་ལོ་བསྐོར།། སེམས་དཔའ་རྡོ་རྗེ་རབ་ཏུ་ཉོན།། ཡེ་ཤེས་གསུམ་གྱི་གནས་ལུགས་ལ།། ལྷུན
iiif viewer powered by OpenSeadragon
