| e-texts navigator |
| Wylie |
225a1 ལག་སྦྲེལ་ལོ།། དྲུག་ལྔའི་རྩལ་ཀུན་རང་རྫོགས་པས།། ལས་ཀྱི་མ་ནུའི་མཚམས་སྦྱར་ཏེ།། འགྲོ་བ་རིགས་དྲུག་དཔག་མེད་སྨིན།། གཅིག་ནས་གཅིག་ཏུ་ཟོ་ཆུ་བཞིན།། བཟང་ངན་རིམ་པར་ལུས
225a2 བླངས་ཏེ།། དེ་ལྟར་འཇིག་རྟེན་གསུམ་པོ་དག། ཕུང་པོ་ལྔ་དང་དབང་པོ་ལྔ།། ཡན་ལག་ལྔ་དང་དོན་སྙིང་དང་།། ཡུལ་ལྔ་དང་ནི་ཉོན་མོངས་ལྔ།། སེམས་ལྔ་ཡིད་ལྔ་རྟོག་པ་ལྔ།། གཟུང་འཛིན་འཁོར་བ་ཉིད་དུ
225a3 གྲུབ།། ཕུང་པོ་ཁམས་དང་སྐྱེ་མཆེད་ལྔ།། གཟུང་འཛིན་དག་གིས་བཟུང་ནས་ནི།། འཁོར་བ་ཉིད་དུ་ཡུན་རིང་མནར། ཁམས་གསུམ་པ་ཡི་ཁང་པ་རུ།། ཞེ་སྡང་ཆ་ལས་བསད་བཅད་བྱས།། འབྲས་བུས་ཚ་གྲང་དམྱལ
225a4 བ་བྱུང་།། འདོད་ཆགས་ཆ་ལས་སེར་ཕྲག་དོག། འབྲས་བུ་ཡི་དྭགས་བཀྲེས་སྐོམ་བྱུང་།། གཏི་མུག་ཆ་ལས་རབ་བླུན་རྨོངས།། འབྲས་བུས་བྱོལ་སོང་གླེན་ལྐུགས་བྱུང་།། ང་རྒྱལ་ཆ་ལས་ང་བདག་བཟུང་།། འབྲས
225a5 བུས་བྲེལ་ཕོངས་མི་རུ་བྱུང་།། ཕྲག་དོག་ཆ་ལས་ཁོང་ཁྲོ་བྱས།། འབྲས་བུ་ལྷ་མ་ཡིན་དུ་སྨིན།། འགྲོ་བ་རིགས་དྲུག་དེ་དག་ལ།། ངར་འཛིན་སོ་སོར་བྱུང་བ་ཡིས།། སྣང་སྲིད་ལྷ་འདྲེ་ཐམས་ཅད་བྱུང་།། ལྷ་མེད་པ་ལ་ལྷ
225a6 རུ་མཆོད།། འདྲེ་མེད་པ་ལ་འདྲེ་རུ་བཀར།། མིང་མེད་པ་ལ་མིང་དུ་བཏགས།། རྣམ་རྟོག་འདྲེ་རུ་བཟུང་ལས་བྱུང་།། དམྱལ་བ་རྣམས་ལ་གཤིན་རྗེ་བྱུང་།། ཡི་དྭགས་རྣམས་ལ་མོ་འདྲེ་བྱུང་།། ཕོ་འདྲེ་ཐམས་ཅད་ཞོར་ལ
iiif viewer powered by OpenSeadragon
