| e-texts navigator |
| Wylie |
224b1 རབ་མཐོང་ནས།། ཡིད་ཀྱིས་སྦྱོར་བ་བྱས་པ་ལས།། མཛེས་པའི་ཆགས་སེམས་སྒོ་ངར་འཐུམས།། ཉི་མ་རབ་སྣང་དྲོས་བྱས་ཏེ།། ནོར་བུ་དྲི་མེད་བརླན་བྱས་སོ།། ཕྱི་ལྟར་ཤེད་བུ་ཤེད་ལ་གྲོགས།། ནང་ལྟར་འདོད
224b2 ཆགས་བྱ་སྒོང་དང་།། ཞེ་སྡང་སྦྲུལ་གྱི་སྒོ་ང་ཟེར།། གསང་བ་ལྟར་ན་ཐབས་ཤེས་རབ།། དེ་དུས་ཟ་བའི་ཟས་མེད་པས།། འདོད་པའི་ཡོན་ཏན་ལྔ་ལ་སྤྱོད།། ས་ལ་བརྟེན་ནས་གཟུགས་རྣམས་བྱུང་།། ཆུ་ལ་བརྟེན་ནས
224b3 སྒྲ་རྣམས་བྱུང་།། མེ་ལ་བརྟེན་ནས་དྲི་རྣམས་བྱུང་།། རླུང་ལ་བརྟེན་ནས་རོ་རྣམས་བྱུང་།། མཁའ་ལ་བརྟེན་ནས་རེག་རྣམས་བྱུང་།། རིག་པའི་ཁ་ལོ་ཕྱིར་བལྟས་པས།། འདོད་ཡོན་ལྔ་པོ་ཡུལ་ལྔར་ཞེས།། ནང་དུ་ཤེས
224b4 པ་ཁ་ལོག་པས།། ཡུལ་ལྔ་བརྟེན་པའི་སེམས་འཛིན་གྱུར།། ཉོན་མོངས་ལྔ་གསུམ་དུག་ལྔ་ཤར།། ས་ལ་བརྟེན་ནས་གཏི་མུག་བྱུང་།། མ་རིག་པ་ཡི་ལྕགས་ཀྱིས་བསྡམས།། གཏི་མུག་ཞགས་པས་སྐེ་ནས་བཅིངས།། ཆུ
224b5 ལ་བརྟེན་ནས་འདོད་ཆགས་བྱུང་།། འདོད་ཆགས་ཚ་བའི་རོ་ལ་ཆགས།། རླུང་ལ་བརྟེན་ནས་ཕྲག་དོག་བྱུང་།། ཕྲག་དོག་ཉིད་ཀྱི་སྒོ་མོ་འཁྲིགས།། ནམ་མཁའ་ལ་བརྟེན་ང་རྒྱལ་བྱུང་།། ང་རྒྱལ་དག་གིས་མགོ་བཏུམས
224b6 ཏེ།། མེ་ལ་བརྟེན་ནས་ཞེ་སྡང་བྱུང་།། ཞེ་སྡང་མི་ཡི་ཚད་པས་གདུང་། ཁོང་ཁྲོ་ལ་སོགས་དམག་གིས་བསྐོར།། གཟུང་འཛིན་ཞགས་པས་རྐང་ནས་བསྡམས།། སྔ་ཕྱིའི་བག་ཆགས་འདམ་དུ་བྱིང་།། རྣམ་སྨིན་ཉིད་དང
iiif viewer powered by OpenSeadragon
