| e-texts navigator |
| Wylie |
224a1 གསུམ་ལ་སོགས་ཁམས་རྣམས་སོ།། དེ་ལ་བརྟེན་ནས་ནང་བཅུད་ཀྱི།། འཁྲུལ་ལུགས་དབྱེ་ན་འདི་ལྟར་རོ།། འཁྲུལ་གཞི་ཡེ་ཤེས་ལྔ་ལས་བྱས།། འཁྲུལ་རྒྱུ་མ་རིག་གཉིས་ཀྱིས་བྱས།། འཁྲུལ་རྐྱེན་སྐད
224a2 ཅིག་ལྔ་ཡིས་བྱས།། འཁྲུལ་པ་འབྲས་བུས་ཡིད་ཀྱིས་བྱས།། ཡེ་ཤེས་མ་རིག་ཡུལ་དུ་བཟུང་།། དེར་འཛིན་རླུང་སེམས་འདུས་པ་ལས།། འབྱུང་བ་ལྔ་པོའི་སྦུབས་སུ་ཚུད།། རླུང་སེམས་ཡིད་དུ་འགྱུས་པ་ལས།། ཤུགས
224a3 ལྡན་སྣ་ཚོགས་རྒྱ་མཚོ་རླུང་།། དེ་ལ་ཡེ་ཤེས་དྲོད་རླན་བྱུང་།། རྒྱ་མཚོ་ཆེན་པོ་དེ་ཉིད་ལ།། ཆན་ལ་ཕབས་རྩི་བཏབ་པ་ལྟར།། ས་ཡི་རྣམ་པ་སྙོམས་པར་ཆགས།། དེ་ལ་དུད་རླངས་ལག་དར་ཙམ།། དེ་ཡི་དྲངས་མ་འོད
224a4 སྐོར་ནི།། སྦ་ཕུབ་ཙམ་པ་གསུམ་དུ་བྱུང་།། འོད་གཅིག་སྣང་ལ་རང་བཞིན་མེད།། དེ་ལ་བརྟེན་པའི་འཁྲུལ་འབྲས་ནི།། ཡོད་མིན་ཅི་ཡང་མེད་པ་དང་།། རྣམ་ཤེས་ཅུང་ཟད་མེད་པ་དང་།། གཟུགས་མེད་མུ་བཞི་རབ་ཏུ
224a5 ཆགས།། འོད་སྐོར་གཉིས་ལ་མཐོ་རིས་ཀྱི།། གནས་བཅུ་དག་ནི་རིམ་གྱིས་ཆགས།། གནས་གཙང་ལ་སོགས་ལུས་ཅན་ནི།། གོང་ནས་གོང་དུ་ཐེག་པའི་ཚུལ།། འོག་མིན་ལྷ་དང་ལྷ་མིན་འདོད།། མངོན་མཐོ་དེ་མིན
224a6 གནས་གསུམ་ནི།། བྱོལ་སོང་ཡི་དགས་དམྱལ་བ་དང་།། སེམས་ཅན་དེ་དག་སྐྱེ་བ་བཞི།། དེ་ནས་ཡིད་ཀྱིས་རྟོག་དཔྱོད་བཏང་།། ཡིད་ཀྱི་སྤྱན་གྱིས་གཟིགས་པ་ན།། སྲིད་པ་འོད་ཀྱི་སྒོ་ང་མཐོང་།། དེ་ཉིད་མཛེས་པར
iiif viewer powered by OpenSeadragon
