| e-texts navigator |
| Wylie |
223b1 ལ་རླུང་བརྟེན་དེ་ལ་ཆུ།། འབུམ་ཕྲག་བཅུ་གཅིག་ངག་གིས་ནི།། ཟླུམ་ལ་འདྲིལ་བ་ཉིད་དུའོ།། གཞི་དག་མེ་ལོང་ཡེ་ཤེས་ལ།། རྟོག་དཔྱོད་བཏང་བས་ཆུ་རུ་འཁྲུལ།། གཞི་དག་མཉམ་ཉིད་ཡེ་ཤེས་ལ།། རྟོག་དཔྱོད
223b2 བཏང་བས་ས་རྡོར་འཁྲུལ།། གཞི་དག་སོར་རྟོག་ཡེ་ཤེས་ལ།། རྟོག་དཔྱོད་བཏང་བས་མེ་རུ་འཁྲུལ།། གཞི་དག་བྱ་གྲུབ་ཡེ་ཤེས་ལ།། རྟོག་དཔྱོད་བཏང་བས་རླུང་དུ་འཁྲུལ།། གཞི་དག་ཆོས་དབྱིངས་ཡེ་ཤེས
223b3 ལ།། རྟོག་དཔྱོད་བཏང་བས་ནམ་མཁར་འཁྲུལ།། རྟོག་དཔྱོད་བྱས་པས་ཡུལ་ལྔར་བཟུང་།། མིང་མེད་མིང་དུ་སོང་བ་ལྟར།། འབྱུང་ལྔ་མེད་བཞིན་རིམ་གྱིས་ཆགས།། ཕྱི་ཡི་ཡུལ་ལྔའི་དབང་ལས་ནི།། ནང་གི་སེམས
223b4 ཀྱིས་ང་དང་བདག། གཉིས་སུ་བཟུང་བས་འོད་ལྔ་ནི།། གསལ་བར་མ་ནུས་འབྱུང་བཞིས་བསྒྲིབས།། མ་རིག་པ་དེ་སེམས་ཡིན་ཏེ།། དེ་ལས་བྱུང་བས་འབྱུང་བའོ།། རང་མགོ་རང་གི་རྐང་པས་གནན།། རང་གི་གཉའ
223b5 ལག་རང་གིས་བཅིངས།། སེམས་ཀྱི་སྣང་ཚུལ་གསུམ་དུ་ཤར།། འོད་གཟུགས་ཤ་གཟུགས་རིག་གཟུགས་གསུམ།། དེ་ལས་འཁོར་འདས་གཉིས་སུ་གྱིས།། ཡུལ་ཏུ་བརྟགས་པས་སྣང་བར་ཞེན།། མིན་པའི་ཆོས་ལ
223b6 ཡིན་བཟུང་ཞིང་།། བརྟག་དཔྱད་བྱས་པས་སྣོད་དུ་འཁྲུལ།། དེ་ཡང་རི་རབ་རྒྱལ་པོ་ནི།། བང་རིམ་བཞི་དང་ལྕོག་ཆེན་བཞི།། རོལ་མཚོ་དང་ནི་རི་རྣམས་བདུན།། གླིང་རྣམས་དང་ནི་འཁོར་ཡུག་ཆགས།། སྟོང
iiif viewer powered by OpenSeadragon
