| e-texts navigator |
| Wylie |
223a1 རྐྱེན།། རྐྱེན་བཞི་འདུས་པས་འཁྲུལ་པ་ཡིན།། རྒྱུ་ཡི་རྐྱེན་ནི་ཆོས་ཉིད་དང་།། དམིགས་པའི་རྐྱེན་ནི་འོད་སྣང་ཉིད།། བདག་པོའི་རྐྱེན་ནི་རིག་པ་ཉིད།། དེ་གསུམ་དུས་སྙོམ་མཚུངས་པའི་རྐྱེན།། འཁྲུལ
223a2 པ་དེ་མ་ཟག་ཅེས་ཟེར།། འཁྲུལ་པའི་དུས་ནི་འདི་ལྟར་རོ།། རིག་དང་མ་རིག་གཉིས་འཛིན་རྣམས།། ཆོས་ཉིད་ཡུལ་ལ་ཤར་དུས་འཁྲུལ།། ཡིད་དྲུག་ཡུལ་ལ་འཇུག་དུས་འཁྲུལ།། རྣམ་རྟོག་བདག་ཏུ་བཟུང་དུས
223a3 འཁྲུལ།། སྣང་བ་ལོགས་སུ་དཔྱད་དུས་འཁྲུལ།། སྐེམ་མ་རིས་སུ་ཕྱེ་དུས་འཁྲུལ།། རང་རྩལ་གཞན་དུ་བཟུང་དུས་འཁྲུལ།། ཡིད་ཀྱིས་སྒྲོ་བཏགས་བྱེད་དུས་འཁྲུལ།། རང་གཞན་གཉིས་སུ་རྟོགས་དུས་འཁྲུལ།། ལོག
223a4 རྟོག་སྐད་ཅིག་འགྱུ་དུས་འཁྲུལ།། གཟུང་འཛིན་ཐུར་ལ་བལྟས་དུས་འཁྲུལ།། ཡིན་མིན་ཐེ་ཚོམ་དུས་སུ་འཁྲུལ།། རིག་པས་འཚོལ་གྲོ་བྱས་དུས་འཁྲུལ།། མིན་ཆོས་ཡིན་པར་བཟུང་དུས་འཁྲུལ།། འགྱུ་བ་རླུང་གི་རྟ་ཕོ
223a5 ལ།། སྒྲིབ་གཡོགས་མ་རིག་པ་དང་གཅིག། ཡུལ་རྐྱེན་འཛིན་བྱེད་གཡོ་བ་དང་། རེ་དོགས་ཡིད་ཀྱི་འཆར་སྒོ་དང་།། བག་ཆགས་བརྟས་པའི་མཐུ་དག་ནི།། དུས་གཅིག་ལོག་པར་བལྟས་དུས་འཁྲུལ།། འཁྲུལ་པའི
223a6 འབྲས་བུ་སྣོད་བཅུད་ནི།། ཡེ་ཤེས་ཁ་དོག་འབྱུང་བ་ལྔ།། གདོད་ནས་ཡེ་ཤེས་རྩལ་ཉིད་དུ།། འདུ་འབྲལ་མེད་པར་མ་རིག་པས།། འོད་ཁྱིམ་ཁ་དོག་ལྔ་ལྡན་ལ།། བརྟག་དཔྱད་བྱས་པས་འབྱུང་ལྔར་འཁྲུལ།། མཁའ
iiif viewer powered by OpenSeadragon
