| e-texts navigator |
| Wylie |
222b1 ལྟོས་དེ་བཞིན་ཏེ།། མ་འཁྲུལ་པ་ཡང་དེ་བཞིན་དུ།། རིག་པ་ཉིད་ནི་མ་རིག་གོ། མ་འཁྲུལ་བུདྡྷ་མ་ནུར་འཁྲུལ།། དེ་ཡང་ཡུལ་དང་ཡུལ་ཅན་གཉིས།། ཡེ་ཤེས་གསལ་བའི་ཡུལ་དྲུག་ལ།། གཉིས་འཛིན་སེམས་དེ་བྱུང
222b2 བའོ།། དུང་ལ་སེར་པོར་མཐོང་བ་དང་།། གསེར་ལ་ནག་པོར་མཐོང་བ་རྣམས།། མིག་འཁྲུལ་མིན་ཏེ་རང་འཁྲུལ་ཡིན།། གཞི་ནི་གང་ཡང་བྱེད་མེད་ཅིང་།། ངེས་མེད་རྩལ་ངོ་མ་ཤེས་པས།། ཤེས་པ་འགྱུ་དང་ཡལ་བ
222b3 དང་།། ཆེད་འཛིན་དྲི་མས་རབ་ཏུ་སྦགས།། ཤེས་བྱ་རང་གི་རྒྱུད་བཅིངས་སོ།། དམིགས་འཛིན་འབྲེལ་པ་བཅུ་གཉིས་སུ།། འཁོར་བའི་ཡེ་ཐོག་ཉིད་དུ་འཁྲུལ།། ཆོས་སྐུ་ཀ་དག་དྲི་མེད་ལ།། ཉོན་མོངས་ཅན་གྱི་ཡིད
222b4 ཀྱིས་ནི། ཁ་ནང་བལྟས་ནས་ང་བདག་བཟུང་།། རྣམ་པ་གཅིག་བརྩད་ང་བདག་འཁྲུལ།། ཡིད་ཀྱི་རྣམ་ཤེས་ཁ་ཕྱིར་བལྟས།། སྒོ་ལྔ་ཡུལ་དྲུག་རྗེས་འབྲངས་ནས།། རྟོག་པས་མེད་པ་ཡོད་པར་བཟུང་།། དཔེར་ན་ཐོ
222b5 ཡོར་མིར་བཟུང་ཞིང་།། ཟག་པ་སྦྲུལ་དང་སྨིག་སྤུ་ཆུ།། སྒོ་ལྔའི་རྣམ་པར་ཤེས་པ་ཉིད།། ཡིད་ཀྱི་རྣམ་པར་ཤེས་པས་བསླད།། ཀུན་གཞིའི་རྣམ་པར་ཤེས་པ་ལ།། ཉོན་མོངས་ཡིད་ཀྱི་ང་བདག་བསླད།། གཉིས་སྣང
222b6 རྟོག་པའི་ཆ་ལས་འཁྲུལ།། ངོ་བོ་རང་བཞིན་ཐུགས་རྗེ་གསུམ།། དངོས་སུ་ཡོད་ཀྱང་མ་རིག་པས།། རྒྱུ་རྐྱེན་འབྲས་བུ་གསུམ་དུ་བྱུང་།། རྒྱུ་ཡི་རྐྱེན་དང་དམིགས་པའི་རྐྱེན།། བདག་པོའི་རྐྱེན་དང་མཚུངས་པའི
iiif viewer powered by OpenSeadragon
