| e-texts navigator |
| Wylie |
222a1 པ་མང་པོ་ཤར།། འོད་ཁྱིམ་ཁ་དོག་ལྔ་ལྔ་ནི།། ནམ་མཁའ་སྟོང་པའི་ཀློང་དུ་ཤར།། རིག་པ་འགག་ཏེ་ཡིད་དུ་འགྱུས།། དེ་ཡང་རྣམ་པ་དྲུག་ཏུ་དབྱེ།། ཀུན་ཏུ་ཚོལ་བར་བྱེད་པའི་ཡིད།། གཏན་ལ
222a2 འབེབས་པར་བྱེད་པའི་ཡིད།། ངེས་པར་འཇོག་པར་བྱེད་པའི་ཡིད།། འགྱུ་ཕྱེད་ཐམས་ཅད་འཛིན་པའི་ཡིད།། སྣ་ཚོགས་སྡུད་པར་བྱེད་པའི་ཡིད།། ཉོན་ནི་མོངས་པ་ཅན་གྱི་ཡིད།། དེ་འགྱུས་འོད་ཁྱིམ་རྟག་དཔྱད
222a3 བཏང་།། འོད་ཁྱིམ་ཕ་གི་ང་ཡིན་ནི།། ཕ་གི་ང་ལས་བྱུང་ངམ་ཅི།། ང་ཉིད་ཕ་གི་ཡིན་ནམ་ཅི།། གཉིས་འཛིན་རྟོག་པས་ངོ་བོ་བསླད།། ཡེ་ཤེས་ཉིད་ལས་མ་རིག་འཁྲུལ།། རང་སྣང་རང་གིས་མ་རིག་པས།། ལས་ཀྱི
222a4 རླུང་ཉིད་ཁ་དོག་གསལ།། ལྷན་སྐྱེས་མ་རིག་ཅེས་སུ་བྱུང་།། སྐྱེས་ཡུལ་ཆོས་སྐུའི་ཀློང་དུ་སྐྱེས།། སུ་ཡིས་སུ་ཉིད་མ་རིག་ན།། དཔེར་ན་མེ་ལོང་དཀྱིལ་འཁོར་ལ།། བདག་པོ་རང་གིས་བལྟས་པ་ཡིས།། རང་གཟུགས
222a5 ཡིན་པར་མ་རིག་སྟེ།། འོད་བྱད་ཡུལ་སྣང་སོ་སོར་བཟུང་།། འོད་བྱེད་བལྟ་མཁན་རྟོག་དཔྱོད་བཞི།། དུས་ལ་སྔ་ཕྱི་མེད་པའི་དཔེ།། དོན་ནི་ནམ་མཁའ་སྟོང་པ་ལ།། རིག་དང་མ་རིག་འོད་སྣང་དང་།། རིག་པའི་ཡེ
222a6 ཤེས་རྩལ་ཉིད་རྣམས།། སྔ་ཕྱི་མེད་དེ་ལྷན་ཅིག་སྐྱེས།། རྒྱུ་བདག་གཅིག་པའི་ལྷན་སྐྱེས་ནི།། གཉིས་མེད་རང་མདངས་མ་ཤེས་པས།། ཕྱི་ནང་སོ་སོར་བཟུང་བས་བཅིངས།། གྲོད་པ་ཕྱི་ནང་ཇི་བཞིན་ནོ།། མ་རིག་ལ
iiif viewer powered by OpenSeadragon
