| e-texts navigator |
| Wylie |
221b1 སྤུ་ཙམ་བྱས་མེད་པར།། དེ་ཉིད་ཡེ་ནས་མངོན་སངས་རྒྱས།། སྡིག་པ་སྤུ་ཙམ་བྱས་མེད་པར། ཁམས་གསུམ་རིགས་དྲུག་དག་ཏུ་འཁྱམས།། དེ་ཡང་དང་པོ་ཡེ་གནས་ནི།། གཞི་ཡི་ཡེ་ཤེས་རང་རླུང་དང་།། གཞི་ཡི
221b2 རིག་པ་གཅེར་བུ་དང་།། གཞི་ཡི་ནམ་མཁའ་གསལ་སྟོང་དང་།། གཞི་ཡི་བྱ་གྲུབ་ཡེ་ཤེས་བཞི།། དབྱེར་མེད་གཅིག་གི་རང་བཞིན་ཏེ།། རྒྱ་ཞོ་ཆགས་པ་ལྟ་བུར་གནས།། དེ་ལ་གཡོ་འགུལ་འདི་ལྟར་བྱུང་།། ཡེ་ཤེས
221b3 རླུང་གིས་རིག་པ་བཏེགས།། རིག་པས་སྒོ་མཐོང་ནམ་མཁའ་ཕྱེ།། བྱ་གྲུབ་རིག་རྩལ་མ་འགགས་ཏེ།། གཡོ་འམ་མི་གཡོ་བག་ཙམ་གཡོ།། འགྱུ་འོ་མི་འགྱུ་བག་ཙམ་འགྱུ།། གཞི་ལ་གཡོ་འགུལ་མེད་མོད་ཀྱང་།། རིག
221b4 པའི་རྩལ་ལས་གཡོ་འགུལ་བྱུང་།། འགྱུ་བ་དེ་ལ་ཡིད་ཅེས་ཟེར།། དེ་ཡང་ལྷུན་གྲུབ་ཐུགས་རྗེའི་རྩལ།། དང་པོ་གསེར་གྱི་རླངས་པའམ།། བྱེའུ་ཆུང་གི་ཁ་རླངས་སམ།། བྱ་ཕོད་རྐྱེན་མེད་འགུལ་བའམ།། རྟ་རྔ་བརྒྱར
221b5 གཤེགས་ཆ་ཙམ་ཅིག། རིག་པ་ཉིད་ཀྱང་ཡིད་དུ་འགྲུས།། ལྷན་ཅིག་སྐྱེས་པའི་མ་རིག་ཟེར།། དངོས་མེད་སྣོད་ཕྱེ་བག་ལ་ཉལ།། ངོ་བོ་ཀུན་གཞི་ལས་འཕགས་ཏེ།། རང་བཞིན་འཁྲུལ་པའི་རྐྱེན་ཕན་ཉིད།། གཞི་ཡི
221b6 ངེས་མེད་རང་རྩལ་རྟག། དེ་ཡང་གསུམ་ཡིན་ཀུན་ཏུ་བཏགས།། ལྷན་ཅིག་སྐྱེས་དང་ང་བདག་ཅན།། ཀུན་གྱི་རྒྱུ་ནི་གཅིག་པ་ལ།། ལག་པ་ལྟོ་རྒྱབ་བཟློག་པ་བཞིན།། རིག་པ་དེ་ལས་མཐོང་སྣང་ནི།། ཕྲ་རགས་རྟོག
iiif viewer powered by OpenSeadragon
