| e-texts navigator |
| Wylie |
220b1 མེད་གཅེར་བུ་ལ།། མ་རིག་པ་ཡི་སྲིད་མིང་མེད།། གཅིག་དང་གཉིས་ཀྱི་གྲངས་མཐའ་ཟད།། ཡེ་ཤེས་ཆོས་ཉིད་གདགས་གཞི་བྲལ།། དེ་ལ་རྩལ་ཡོན་འགག་མེད་པས།། ནམ་མཁའ་གསལ་སྟོང་བསྣན་འཕྲི
220b2 མེད།། བྱ་གྲུབ་ཡེ་ཤེས་རང་མདངས་ཡིན།། ཡེ་ཤེས་ལྔ་ཡི་དྲངས་བཅུད་དེ།། འོད་ལྡང་ཁྲ་བོ་ལྟེམ་ལྡེམ་པ།། རིག་པའི་ངོ་བོ་རོལ་ཀློང་སྣང་།། གཞི་ལ་གཡོ་འགུལ་མེད་པ་སྟེ།། བྱ་གྲུབ་ཡེ་ཤེས་ཀློང་ན་གསལ།། ཤེས
220b3 པ་བཅུད་དུ་འདྲིལ་བ་དེ།། རླུང་རིག་གཉིས་ཀྱིས་རྩལ་མ་བསྐྱོད།། རྫོགས་ལྡན་ཆེན་པོར་དེ་བཞུགས་སོ།། དེ་ཡིས་གཞི་ཡི་དབྱེ་བ་བཤད།། མཐུན་པའི་དཔེ་ནི་འདི་ལྟར་རོ།། སྟོང་པ་ཡངས་པ་ཁྱབ་པ་སྟེ།། ནམ
220b4 མཁའ་ལྟ་བུར་གནས་པའོ།། དྲི་མེད་གསལ་དག་ཟང་ཐལ་ཏེ།། མན་ཤེལ་དྲི་མེད་ལྟ་བུར་གནས།། གདོད་ནས་མ་སྐྱེས་གཞི་རྩ་མེད།། དུས་གསུམ་དུས་མེད་སྟོང་པར་གནས།། བྱུང་ས་མེད་པར་རྒྱུ་ཡིས་སྟོང་།། སྐྱེས
220b5 མེད་པ་རྐྱེན་གྱིས་སྟོང་།། འགག་པ་མེད་པ་ངོ་བོས་སྟོང་།། དབྱིབས་ངེས་མེད་པ་དངོས་པོས་སྟོང་།། ཐོག་མཐའ་མེད་དེ་རང་བཞིན་སྟོང་།། དྲན་འགྱུ་མེད་དེ་མཚན་ཉིད་སྟོང་།། ཕྱི་ནང་མེད་པ་གཟུང་འཛིན
220b6 སྟོང་།། དངོས་པོ་མེད་པ་རྟག་པས་སྟོང་།། འགག་པ་མེད་པ་ཆད་པས་སྟོང་།། མཐའ་དབུས་ཕྱོགས་མེད་གཉིས་ཀས་སྟོང་།། ཉེས་པའི་དྲི་སྤང་སྐྱོན་གྱིས་སྟོང་།། ཉེས་སྐྱོན་མ་སྤངས་གཉེན་པོས་སྟོང་།། གདོད་ནས་ཀ།
iiif viewer powered by OpenSeadragon
