| e-texts navigator |
| Wylie |
21b1 སརྦྦ་བི་ས་ར། ཏྲ་ཏྲད་ས་སྙད་གནྡྷ་སྭཱ་ཧཱ།། སྔགས་པ་རྣལ་འབྱོར་ལྡན་པ་ཡིས།། ཛཿཧཱུཾ་བཾ་ཧོཿའི་ཕྱག་རྒྱ་དང་།། བེ་ཅོན་སྡིགས་མཛུབ་རབ་བསྒྲེངས་ནས།། དབྱིངས་ནས་བསྐུལ་ཞིང་སྤྱན་དྲངས་ལ།། གཉིས་མེད
21b2 བསྟིམ་རྫོགས་མཆོད་པར་དབུལ།། ང་ཡིས་བསྟེན་པའི་གསང་སྒྲུབ་འདིས།། ལྔ་བརྒྱ་ཐ་མའི་དུས་སུ་འབྱུང་།། དེ་དུས་དད་མོས་གང་བསྒྲུབ་པ།། སྐུ་གསུང་ཐུགས་ཀྱི་དངོས་གྲུབ་མཆོག། ངེས་པར་ཐོབ་ཅིང་གཟི
21b3 བརྗིད་ཆེ།། འཇིག་རྟེན་འདིར་ཡང་གསད་གསོ་དང་།། སྲིད་པ་སྒྲུབ་པར་ཐེ་ཚོམ་མེད།། བདུད་རོག་ཏི་ནག་པོ་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རཀྵའི་མདོ་སྙིང་གཟེར་དྲག་པོའི་རྒྱུད་ལས། ཕུང་བྱེད་ཕྲིན་ལས
21b4 ཀྱི་རྒྱུད་ཆེན་པོའི་ལེའུ་བདུན་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། དམྱལ་བ་རྡོ་རྗེ་བྱེད་པ་དང་།། སྡང་སེམས་ངན་པས་མནར་བ་ཀུན།། གོས་སུ་རེ་བ་གྱོན
21b5 ནས་ནི།། ཟས་སུ་ལྕི་བའི་ཟས་ལ་ཟ།། སྲོག་གཅོད་སྡིག་ལ་དགའ་བ་དང་།། དེ་འདྲའི་ལས་ཀྱིས་མཚམས་སྦྱར་ནས།། རུ་ཏྲའི་གནས་ཀུན་རྒྱུད་མར་ལེན།། དེ་འདུལ་གཉེན་པོར་བཀའ་འདི་སྲུངས།། བདུད་པོ་རོག་ཏི
21b6 ནག་པོ་སྟེ།། བྱ་རོག་མགོ་བརྩེགས་ཀི་ཀང་འདི།། གཤིན་རྗེ་གཤེད་པོ་ང་ཉིད་ཀྱིས།། དམ་བཏགས་དམ་བསྩལ་ཟས་སུ་ནི།། བསྟན་པ་འཇིག་པ་རྣམས་བྱིན་པས།། འདི་ཉིད་བསྒྲུབ་པའི་དུས་སུ་ནི།། དང་ལ་གཙོ་བོ
iiif viewer powered by OpenSeadragon
