| e-texts navigator |
| Wylie |
218b1 རྫོགས་སྐུའི་ངོ་བོ་ཡིན།། ཆོས་ཉིད་ངང་ལ་གནས་པས་ལོངས།། གསལ་ལ་མ་འདྲེས་ཁྱབ་པས་ལོངས།། ཐབས་ཤེས་གཉིས་སུ་མེད་པས་ལོངས།། གྱི་ན་བལྟར་མི་བཟོད་པས་ལོངས།། འཛིན་མེད་རང་སར་སྤྱོད
218b2 པས་སྤྱོད།། གསལ་ལེ་སིང་ངེ་མཉམ་པས་སྤྱོད།། གནས་ཤིང་སྤྲུལ་པ་འགྱེད་པས་སྤྱོད།། སྐུ་དོན་མཐར་ཕྱིན་རོལ་པས་སྤྱོད།། རང་བྱུང་རང་ལ་ཐིམ་རོལ་སྤྱོད།། བྱ་བྱེད་ཀུན་ལས་འདས་པས་རྫོགས།། དམིགས་མེད
218b3 དོན་ལ་གནས་པས་རྫོགས།། ཕྱོགས་ལྷུང་འགྲོ་འོང་མེད་པས་རྫོགས།། བྱས་པ་མེད་པས་རང་བྱུང་རྫོགས།། མ་སྤངས་སྐུ་ལྔ་ལྷུན་གྲུབ་རྫོགས།། གསལ་སྟོང་ཡེ་མེད་རྫོགས་པས་པ།། རྒྱན་དང་ཆ་ལུགས་འཛིན་པས
218b4 པ།། སྐུ་དང་ཐིག་ལེས་བརྒྱན་པས་པ།། འོད་དང་ཁ་དོག་བཀྲ་བས་པ།། མ་རིག་དུག་ལྔ་དག་པས་པ།། འཛིན་པ་རང་སར་དག་པས་སྐུ།། ཀུན་སྣང་ཐུགས་རྗེ་ཤར་བས་སྐུ།། ཡེ་ཤེས་ཀློང་ན་གསལ་བས་སྐུ།། མ
218b5 འགགས་སྐྱེ་བ་མེད་པས་སྒྲ།། ཡིན་པ་བདག་འཛིན་མེད་པས་སྐུ།། ལྷུན་གྲུབ་ལོངས་སྐུའི་བཞུགས་ཚུལ་ལོ།། ཐུགས་རྗེ་སྤྲུལ་པའི་བཞུགས་ཚུལ་ནི།། བྱ་བ་རྫོགས་དང་བྱ་བ་བྱེད།། ཕྱི་ནང་བྱ་བ་རྫོགས་པས་ཏེ།། བྱ
218b6 བ་རྫོགས་པའི་སྦྲུལ་སྐུའོ།། གང་ལ་གང་འདུལ་ཚུལ་དུ་ནི།། དེ་ལ་དེར་སྟོན་མཐུན་པར་སྣང་།། ཐུགས་རྗེའི་ཉི་ཟེར་ཀུན་ལ་ཁྱབ།། འགྲོ་བ་ཡོངས་ལ་སྣང་ནུས་པ།། སྤྲུལ་པ་སྐུ་ཡི་བཞུགས་ཚུལ་ལོ།། ཡེ་ཤེས་རང
iiif viewer powered by OpenSeadragon
