| e-texts navigator |
| Wylie |
217b1 ངོམས་མཚན་དཔེར་ལྡན།། ཡེ་ཤེས་འོད་དང་ཁ་དོག་ལྔ།། བཅོ་ལྔ་དུས་གཅིག་འདུས་པ་ལ།། ཀ་དག་བབས་ཀྱི་སངས་རྒྱས་ཟེར།། དེ་ཡི་གནས་ཚུལ་ཤེས་པ་ལ།། ཡེ་ནས་ཇི་བཞིན་སངས་རྒྱས་ཟེར།། དེ་ཡི་མཚན
217b2 ཉིད་ཤེས་པ་ལ།། རང་བཞིན་ལྷུན་གྲུབ་སངས་རྒྱས་ཟེར།། དེ་ཡི་རྟོགས་ཚུལ་ཤེས་པ་ལ།། རྟོགས་པ་མངོན་གྱུར་སངས་རྒྱས་ཟེར།། ངོ་བོ་ཉིད་ཀྱི་སྣང་བ་ལ།། ངོ་བོ་ཉིད་ཀྱི་སྐུ་ཤར་བས།། ཡེ་ཉིད་ནས་ནི
217b3 བུདྡྷའོ།། ཐམས་ཅད་གཞི་ལ་ལྷུན་གྲུབ་པས།། སངས་རྒྱས་སྐུ་ལྔའི་བདག་ཉིད་ཅན།། རྟག་ཆད་གཉིས་ཀྱི་མཐའ་ལས་འདས།། རང་གྲོལ་མཐའ་ཡི་དྲི་མ་སངས།། རྒྱུ་མེད་རྐྱེན་ལས་འདས་པའོ།། ལྷུན་གྲུབ་རེ་དང
217b4 དོགས་ལས་གྲོལ།། ཀ་དག་ཡིན་ཕྱིར་ཀུན་ལས་གྲོལ།། རང་འཛིན་མེད་པས་ཉོན་མོངས་གྲོལ།། གཟུང་འཛིན་མེད་པས་རྣམ་ཤེས་གྲོལ།། སྐྱེ་འགག་མེད་པས་སྒོ་ལྔ་གྲོལ།། བཅོས་བསླད་མེད་པས་རྟོག་པ་གྲོལ།། དྲི
217b5 མ་མེད་པས་འབྱུང་བཞི་གྲོལ།། འོད་གསལ་སྟོང་པ་སྐུ་ལྔར་ལྡན།། དེ་ནི་གཞི་ཡི་བཞུགས་ཚུལ་ཡིན།། ཆོས་སྐུ་ཡེ་ཤེས་ཆེན་པོ་ནི།། མཚན་ཉིད་རྣམ་པ་གསུམ་དང་ལྡན།། ངོ་བོ་རང་བཞིན་ཐུགས་རྗེ་གསུམ།། ཆོས་ཀྱི
217b6 སྐུ་ཡི་མཚན་ཉིད་ཡིན།། མི་འཇིག་སྟོང་དང་གསལ་བ་དང་།། བྱ་བ་ཐམས་ཅད་རྫོགས་པ་ནི།། ཆོས་ཀྱི་སྐུ་ཡི་མཚན་ཉིད་ཡིན།། འགྱུར་མེད་འགག་མེད་ཁྱབ་པ་གསུམ།། ཆོས་ཀྱི་སྐུ་ཡི་ངེས་ཚིག་ཡིན།། གསལ་དང
iiif viewer powered by OpenSeadragon
