| e-texts navigator |
| Wylie |
217a1 སོང་སྲིད།། གཟུགས་ཅན་འགྲོ་དྲུག་ཕལ་པ་སྟེ།། གཟུགས་མེད་སྐྱེ་མཆེད་མུ་བཞིའོ།། མཚན་མ་བྱུང་ན་ཀ་དག་མིན།། སྟོང་གསལ་ཆེན་པོའི་སྐུ་ལྔའོ།། སྐུ་ལྔའི་སྙིང་པོ་ཡེ་ཤེས་ལྔ།། ཡེ་ཤེས་བཀྲག
217a2 མདངས་འོད་ལྔར་ཤར།། གཞི་ཡི་མཚན་ཉིད་ཡེ་ཤེས་ལྔ།། སྐུ་ལྔ་དབྱེ་ན་འདི་ལྟ་སྟེ།། ཐིག་ལེ་ཉག་གཅིག་སྐུ་དང་གཅིག། འོད་ཟེར་མི་འགྱུར་སྐུ་དང་གཉིས།། རིག་པ་ཀུན་བཟང་སྐུ་དང་གསུམ།། རིག་པ་རྩལ
217a3 རྫོགས་སྐུ་དང་བཞི།། རང་བཞིན་ལྷུན་གྲུབ་སྐུ་དང་ལྔའོ།། སྙིང་པོ་ཡེ་ཤེས་རྣམ་ལྔ་ནི།། ཆོས་སྐུའི་ངོ་བོ་རང་སྟོང་པས།། ཆོས་དབྱིངས་འགྱུར་མེད་ཡེ་ཤེས་སོ།། སྟོང་པའི་རང་མདངས་རང་གསལ་བས།། མེ་ལོང་ལྟ
217a4 བུའི་ཡེ་ཤེས་སོ།། སྟོང་གསལ་མ་ཕྱེ་གཉིས་མེད་པས།། མཉམ་ཉིད་ཆེན་པོའི་ཡེ་ཤེས་སོ།། ཡོན་ཏན་སོ་སོར་རང་ཤར་བས།། སོ་སོར་རྟོག་པའི་ཡེ་ཤེས་སོ།། དེ་དག་གཞི་ལ་ལྷུན་གྲུབ་པས།། བྱ་བ་གྲུབ་པའི་ཡེ་ཤེས
217a5 སོ།། དེ་ཡི་བཀྲག་མདངས་འོད་ལྔར་ཤར།། ཆོས་སྐུ་མི་འགྱུར་འོད་ཟེར་མཐིང་།། རིག་པ་དྲི་མེད་འོད་ཟེར་དཀར།། རིག་པ་འོད་ལྡན་འོད་ཟེར་སེར།། རིག་པ་བདེ་གསལ་འོད་ཟེར་དམར།། རིག་པ་འགག་མེད་འོད
217a6 ཟེར་ལྡང་།། འོད་ཟེར་དེ་དག་སྣང་ཚུལ་ནི།། འཕྲ་ལ་དྭངས་ཤིང་གསལ་ལ་འཚེར།། རང་བཞིན་བཀྲག་མདངས་མ་ཉམས་པ།། སོས་ཀའི་སྨིག་རྒྱུ་ལྟ་བུ་རུ།། རྒྱ་མཚོར་གཟའ་སྐར་ཤར་བ་འདྲ།། བལྟས་པས་མི
iiif viewer powered by OpenSeadragon
