| e-texts navigator |
| Wylie |
216a1 པའི་ཚོགས་བརྒྱད་བྲལ།། ཉོན་མོངས་མ་སྐྱེས་ཀ་ནས་དག། སྣང་བ་མ་སྨོས་ཡོད་པ་མེད།། དང་པོ་ནས་དག་ཐོག་མ་དག། གདོད་མ་ནས་དག་དག་ཆེན་པོ།། ཀ་ཞེས་ཐོག་མར་བྱུང་བ་ལ།། དག་པ
216a2 དྲི་མའི་གྲངས་མཐའ་ཟད།། ངོ་བོ་ཡེ་དག་ཆེན་པོ་ལ།། རང་བཞིན་རང་དག་ཐུགས་རྗེ་ནི།། ཤུགས་འབྱུང་དག་ཏུ་ཡེ་གནས་སོ།། ངོ་བོ་སྟོང་པ་ཐ་སྙད་བྲལ།། རང་བཞིན་ཡེ་གསལ་རྒྱུ་རྐྱེན་བྲལ།། ཐུགས་རྗེ་ཀུན
216a3 ཁྱབ་ཆ་ཤས་བྲལ།། ངོ་བོ་ཀ་དག་བརྗོད་གཞི་བྲལ།། རང་བཞིན་ལྷུན་གྲུབ་ཅིར་སྣང་རྫོགས།། ཐུགས་རྗེ་ཀུན་ཁྱབ་རང་ཤར་རོ།། ངོ་བོ་སྟོང་པས་རྟག་མཐའ་བྲལ།། རང་བཞིན་གསལ
216a4 བས་ཆད་འཛིན་བྲལ།། ཐུགས་རྗེ་ཁྱབ་པས་གཉིས་མཐའ་བྲལ།། ངོ་བོ་སྟོང་གསལ་དབྱེར་མེད་ལ།། རང་བཞིན་གསལ་སྟོང་དབྱེར་མེད་དེ།། ཐུགས་རྗེ་རིག་སྟོང་དབྱེར་མེད་དོ།། ངོ་བོ་ཀ་དག་ནམ་མཁའ་འདྲ།། ར
216a5 ང་བཞིན་རྒྱ་མཚོ་དངས་པ་འདྲ།། ཐུགས་རྗེ་ནོར་བུ་དྲི་མེད་འདྲ།། ངོ་བོ་སྐུ་ལ་རང་བཞིན་འོད།། ཐུགས་རྗེ་རིག་པ་ཡེ་ཤེས་སོ།། སྒྲིབ་མེད་ཡེ་ཤེས་གསུམ་དང་ལྡན།། ངོ་བོ་ཀ་དག་ཡེ་ཤེས་དང་།། རང་བཞིན་ལྷུན་གྲུབ
216a6 ཡེ་ཤེས་དང་།། ཐུགས་རྗེ་རང་སྣང་ཡེ་ཤེས་གསུམ།། འབྲལ་མེད་གཅིག་སྟེ་ཕྱོགས་མེད་གནས།། ངོ་བོ་ཀ་དག་ཡེ་ཤེས་ནི།། མ་རིག་རྟོག་པ་ཀུན་དང་བྲལ།། རང་བཞིན་ལྷུན་གྲུབ་ཡེ་ཤེས་ནི།། འཁྲུལ་པའི་ཚིག་གི་ཐ
iiif viewer powered by OpenSeadragon
