| e-texts navigator |
| Wylie |
215b1 བཞུགས།། ངོ་བོ་ཉིད་ཀྱི་སྣང་བ་ནི།། ཡེ་ཤེས་ཁ་དོག་ལྔ་ལྡན་ཏེ།། རང་བཞིན་བཀྲགས་མདངས་མེ་རེ་རེ།། གསལ་འཚེར་ལྷུན་སྡུག་ཙེ་རེ་རེ།། ཉི་མ་ལས་ནི་འོད་བཞིན་དུ།། རང་གིས་བྱས་པ་མ་ཡིན་ཏེ།། རང
215b2 གི་རང་བཞིན་དེ་ལྟར་སྣང་།། ངོ་བོ་མི་འགྱུར་སྐུར་བཞུགས་པ།། སྐུ་གསུམ་འདུ་འབྲལ་མེད་པ་ཡི།། ཐམས་ཅད་འཆར་བའི་གཞིར་གནས་ཏེ།། མཚན་མ་རིས་ཀྱི་ཞལ་ཕྱག་མེད།། རང་བཞིན་གསལ་བའི་མདངས
215b3 ལྔ་ཡང་།། གཞོན་ནུ་བུམ་སྐུའི་ཚུལ་བཞུགས་ཏེ། ཁ་དོག་རིས་བཟུང་གྲུབ་པ་མེད།། ཐུགས་རྗེ་རིག་པའི་ཡེ་ཤེས་སུ།། ལྷུན་གྲུབ་བཞུགས་ཅིང་མཁྱེན་མ་འགགས།། སོ་སོར་གསལ་བ་གཉིས་གྱུར་ཀྱང་།། བྱ་བ
215b4 བྱེད་དང་བྱེད་དངོས་མེད།། གསུང་ནི་རང་བཞིན་དོན་གྱི་གསུང་།། གྲག་སྟོང་ཆོས་ཀྱི་སྒྲ་རུ་གནས།། རིས་མེད་ཤེས་བྱའི་བབ་ལས་གྲུབ།། འདི་འདྲ་གཅིག་ན་མ་ངེས་པས།། སྣ་ཚོགས་སྣང་བ
215b5 གསུང་གི་གཞི།། ཐུགས་ནི་རྟོག་མེད་ངང་ལ་གནས།། ང་དང་བདག་ཏུ་འཛིན་པ་མེད།། དབང་པོ་ལྔ་ལ་རག་མ་ལུས།། མ་རིག་པ་ཡི་དྲི་མ་བྲལ།། ཉོན་མོངས་པ་ཡི་ཡིད་མ་སྐྱེས།། འཁྲུལ་པའི་ཚིག་གིས་གནོད
215b6 པ་བྲལ།། ཡིད་ཀྱི་རྣམ་པར་ཤེས་པ་མེད།། ཐམས་ཅད་དབྱིངས་གཅིག་ཐ་དད་བྲལ།། ཡེ་ཤེས་མེད་ཅིང་སྐུ་ཡང་མེད།། འོད་མེད་ཁ་དོག་རྣམས་དང་བྲལ།། རིག་པ་སྒོ་ལྔ་དག་ལ་ཡན།། རྣམ་པར་ཤེས
iiif viewer powered by OpenSeadragon
