| e-texts navigator |
| Wylie |
215a1 ལྟར་གནས།། རང་མདངས་སྐྱེད་པ་དཀར་པོའི་ཆ།། གཏིང་གསལ་ཆེན་པོ་ཉིད་དུ་གནས།། གཏིང་གསལ་ངོ་བོའི་བཀྲག་བསྐྱེད་པས།། སྣང་བ་རང་ཟད་སེར་པོའི་ཆ།། མི་མངོན་གཏིང་ནས་རང་ངོ
215a2 གསལ།། རང་ངོ་ཆགས་མེད་མདངས་བསྐྱེད་པས།། རང་གིས་བཅིངས་པ་བྲལ་བ་ཡིས།། ཆགས་པ་རང་ཟད་དམར་པོའི་ཆ།། གཏིང་གསལ་མ་འདྲེས་ཆེན་པོར་གནས།། མ་འདྲེས་སོ་སོའི་མཚན་འཛིན་པ།། བྱ
215a3 བཙལ་བསྐྱོད་པ་བྲལ་བ་ཡིས།། མཛད་པ་མེད་པའི་ལྗང་གུར་ནི།། ཐོག་མ་རྣམས་ཀྱི་ཟེར་དུ་ཡང་།། མི་མངོན་གཏིང་ནས་གསལ་བའི་ཆ།། གཏིང་གསལ་ཁྱབ་པའི་འབྲེལ་བྱེད་པའི།། འགྱུར་མེད་རྫོགས་པའི་མཐིང
215a4 ག་ནི།། ཡེ་རྫོགས་བྱས་པ་མེད་པར་གནས།། སྐུ་ནི་སྣང་ལ་མཚན་ཉིད་བྲལ།། ཡེ་ནས་རང་དག་ཆེན་པོ་ལ།། རྫོགས་ཆེན་རྣམས་ཀྱི་རྩེ་མོར་གནས།། དེ་ཡང་དངོས་པོར་མ་གྲུབ་པས།། རྟག་པ་ཐེར་ཟུག་ཅན་དུ
215a5 མེད།། རྒྱ་ཆད་ཅན་དུ་མ་ཡིན་ཏེ།། རང་བཞིན་འོད་གསལ་ཚུལ་དུ་བཞུགས།། གདོས་བཅས་མཚན་མ་རང་དག་ཕྱིར།། གཏིང་གསལ་ཆེན་པོའི་གཞི་མར་གནས། ཁྱབ་དང་ཁྱབ་པ་ཉིད་ཀྱིས་སྟོང་།། ཕྱོགས་སུ་ཆད་པ
215a6 མེད་པར་གནས།། སྟོང་གསལ་ཡིན་པས་གཉིས་མཐའ་ཟད།། རྟག་ཆད་གཉིས་ཀྱི་མཐའ་ལས་འདས།། གསལ་བྱེད་སྣང་བའི་ཆ་མ་འགགས།། རིག་གཞན་མེད་ཅིང་རང་སར་དག། རང་བཞིན་གྱི་ནི་ཆ་ལ
iiif viewer powered by OpenSeadragon
