| e-texts navigator |
| Wylie |
214b1 གསུམ་གྱིས་གཞི་ཁྱབ་སྟོན།། སྐུ་ནི་བཞི་ལྡན་དགོངས་པ་ཡང་།། ཡེ་ཤེས་ཟང་ཐལ་ཉིད་དུ་གནས།། ཟང་ཐལ་དེ་ཡི་བཀྲག་མདངས་ཡང་།། རང་བྱུང་ཡེ་ཤེས་འོད་སྐུར་ཤར།། དཔེར་ན་ཉི་མའི་སྙིང་པོ་འདྲ།། དེ་ཡང
214b2 ཆོས་སྐུ་ཡེ་ཤེས་ལ།། མདུན་རྒྱབ་མེད་པར་ཟད་ཐལ་ལེ།། ཡེ་ཤེས་ལུས་ཅན་དེ་བཞིན་གཤེགས།། ཡེ་ཤེས་ལུས་དེ་ལུས་ཀྱི་མཆོག། ཡེ་ཤེས་ལུས་ལ་ཤ་ཁྲག་མེད།། སྤྲོས་བྲལ་ཡེ་ཤེས་ཀ་དག་ནི།། ངོ་བོ་རྣམ་དག་སྙིང
214b3 པོའི་གཞི།། དེ་ལ་ཚིག་དང་ཡི་གེ་བྲལ།། བརྗོད་པས་གཏན་ལ་དབབ་ཏུ་མེད།། སྒྲོ་འདོགས་ཐ་སྙད་ཀུན་དང་དྲལ།། གཟུང་འཛིན་འགྱུ་བ་རྣམ་རྟོག་མེད།། སངས་རྒྱས་སེམས་ཅན་ཡེ་མ་གྲུབ།། ཆོས་མེད་ཆོས་ཀྱི་འདུ
214b4 ཤེས་མེད།། གང་མེད་ཅི་མེད་ཅི་ཡང་མེད།། རིན་ཆེན་འོད་འབར་སྐུ་རུ་བཞུགས།། ཡེ་ཤེས་སྤྱན་ལ་གསལ་འགྲིབ་མེད།། གསལ་དྭངས་ཟང་ཐལ་ཆེན་པོར་ཁྱབ།། ཡེ་ཤེས་འོད་ལ་ཕྱི་ནང་མེད།། ཡེ་གསལ་ཟང་ཐལ
214b5 ཉིད་དུ་བཞུགས།། ཡེ་ཤེས་ཟུགས་ལ་ཡངས་དོག་མེད།། སྟོང་གསལ་མདངས་ལྔ་ཉིད་དུ་བཞུགས། ཁ་དོག་མ་ཡིན་རང་གསལ་བས།། ཤེས་ཤིང་རིག་པའི་ཆ་རྣམས་ཚང་།། འཛིན་པས་གཟུང་ཡུལ་གང་མེད
214b6 ཕྱིར།། རྣམ་པར་རྟོག་པའི་འཛིན་ཆགས་མེད།། འོད་གསལ་འདས་པའི་ཡེ་ཤེས་སུ།། རྣམ་དག་ཕྱག་རྒྱ་ཆེན་པོར་གནས།། རང་བཞིན་སྣང་བའི་ཀློང་ཆེན་ན།། མཚན་མའི་དམིགས་པ་ཡེ་མེད་དོ།། དོན་གྱི་ཆ་ལ་འདི
iiif viewer powered by OpenSeadragon
