| e-texts navigator |
| Wylie |
214a1 འཁྲུལ་པ་ཡང་ཅི།། དེ་ཕྱིར་འཁྲུལ་པ་གདོད་ནས་དག། མ་རིག་པ་ཉིད་ཡོད་མ་མྱོང་།། རིག་པ་ཙམ་དུ་གྲག་པ་མེད།། རིག་མ་རིག་གི་ཐ་སྙད་འདས།། འཁྲུལ་མ་འཁྲུལ་ཡང་གྲག་པ་མེད།། ཐུགས་རྗེས
214a2 ཀུན་ཁྱབ་ཡེ་ཤེས་ལས།། མི་མཛད་སྣ་ཚོགས་ཤར་བའི་སྒོ།། མཛད་པ་ལྟར་སྣང་ངོ་བོར་རྫོགས།། ཆོས་སྐུ་སྟོང་པའི་རང་བཞིན་ལས།། ཡེ་ཤེས་ཐུགས་རྗེ་མཁྱེན་བརྩེ་ཤར།། ངང་གིས་སེམས་ཅན་རྣམས་ལ
214a3 ཤར།། འདི་མེད་འཁོར་འདས་སྡེ་ཆད་པས།། མཁྱེན་པ་རིག་ཅིང་གསལ་བ་དེ།། རྩལ་ལྡན་རྩལ་ཕྱིར་དེ་མི་འབྲེང་།། ང་ཡིན་ང་ལ་བདག་གཟུང་མེད།། ངོ་བོ་ཉིད་ལ་འཁོར་འདས་གསལ།། སྟོབས་དང་ཤུགས་གཉིས
214a4 འཆང་བའི་བདག། བཞི་ལྡན་ཆོས་སྐུའི་ཚུལ་དུ་བཞུགས།། དེ་ལྟར་ཆོས་སྐུ་ཀ་དག་ནི།། ནམ་མཁའི་དཀྱིལ་ལྟར་འགྱུར་ཟློག་མེད།། རི་རབ་ལྟ་བུར་གཡོ་འགུལ་མེད།། རྒྱ་མཚོ་ལྟ་བུར་ཁ་གཏིང་མེད།། གསེར་དངུལ
214a5 ལྟ་བུར་འགྱུར་བ་མེད།། འདི་ཉིད་ཆོས་སྐུ་ཀ་དག་ཡིན།། དེ་ཡི་སྙིང་པོ་ཡེ་ཤེས་ནི།། འཁོར་དང་འདས་པ་མི་གནས་པའི།། ཆོས་ཉིད་སྟོང་པ་ཀུན་ཁྱབ་པས།། ཡེ་ཤེས་རང་ངོར་གནས་པ་ལ།། གསུམ་དང་བཞི་རུ
214a6 དབྱེར་མེད་དོ།། ཀ་དག་ལྷུན་གྲུབ་གཞི་དེ་ལ།། ངོ་བོ་རང་བཞིན་ཐུགས་རྗེ་གསུམ།། ཡེ་ཤེས་སྒྲིབ་གཡོགས་ཡེ་གྲོལ་གནས།། ཐེག་པ་བསམ་ཡས་གནས་ལུགས་ཉིད།། ཡེ་ཤེས་གསུམ་དང་སྐུ་བཞིའི་ཀློང་།། ཡེ་ཤེས
iiif viewer powered by OpenSeadragon
