| e-texts navigator |
| Wylie |
213b1 འདི་ལྟར་རོ།། རྒྱ་ཆད་མེད་པའི་ཡེ་ཤེས་དང་།། ལྷུན་གྱིས་གྲུབ་པའི་སངས་རྒྱས་དང་།། སྤྲོས་དང་བྲལ་བའི་ཆོས་ཉིད་དང་།། མཐའ་དང་བྲལ་བའི་རིག་པ་དང་།། དག་པ་ཆེན་པོའི་སྣང་བ་དང་། ཕྱོགས་ལྷུང་མེད་པའི
213b2 ལྟ་བ་དང་།། སྤང་ཐོབ་མེད་པའི་འབྲས་བུ་དང་།། ཡངས་པ་གསལ་བ་མི་འགྱུར་བ།། ཟང་ཐལ་ཡེ་ཤེས་མ་འགགས་པ།། མ་འཁྲུལ་པ་ཡི་ཆོས་ཉིད་དོ།། ཕྱི་ཡི་རྒྱ་ཡང་མ་རལ་ཏེ།། ནང་དུ་འོད་ལྔ་མ་འགགས་པ།། སྐུ
213b3 དང་ཡེ་ཤེས་འདུ་འབྲལ་མེད།། ངོ་བོ་སྟོང་པ་ཆོས་ཀྱི་སྐུ།། ཀ་དག་ཆེན་པོའི་ཡེ་ཤེས་ནི།། མ་རིག་ལ་སོགས་རྟོག་པ་འགག། རང་བཞིན་གསལ་བ་ལྷུན་གྲུབ་སྐུ།། རང་བཞིན་ཡེ་གྲུབ་ཡེ་ཤེས་ནི།། གསལ་བྱེད་རང
213b4 དྭདྲངས་ཉིད་དུ་གནས།། དགོངས་པ་ཡངས་པ་ཡེ་ཤེས་སྐུ།། ཡེ་ཤེས་མཁྱེན་པ་རྫོགས་པའི་ཆ།། ཤུགས་ཀྱི་སེམས་ཅན་རྣམས་ལ་འཆར།། ཐུགས་རྗེ་ཀུན་ཁྱབ་སྤྲུལ་པའི་སྐུ།། ཡེ་ཤེས་རོལ་པ་ཆོས་སྐུའི་རྩལ།། འགག
213b5 མེད་ཆོ་འཕྲུལ་ཅིར་ཡང་སྣང་།། ངོ་བོ་ཀ་དག་ཡེ་ཤེས་ལ།། མ་རིག་པ་ཞེས་སྲིད་མེད་པས།། གཅིག་དང་གཉིས་ཀྱི་གྲངས་མེད་པས།། གང་དུའང་མ་ཕྱེ་ཆོས་ཉིད་ལ།། ཡེ་ཤེས་ཙམ་དུ་གྲུབ་པ་མེད།། རང་བཞིན་ལྷུན
213b6 གྲུབ་ཡེ་ཤེས་ཞེས།། རྩལ་དང་ཡོན་ཏན་འགག་མེད་པས།། རོལ་པ་ཙམ་དུ་སྣང་བ་ལས།། སྣ་ཚོགས་རྫོགས་པའི་གཞི་མའོ།། དགོངས་པ་ཡངས་པའི་ཡེ་ཤེས་ལ།། འཁྲུལ་ཞེས་ཙམ་དུ་བརྗོད་དུ་མེད།། དེ་བཞིན་མ
iiif viewer powered by OpenSeadragon
