| e-texts navigator |
| Wylie |
213a1 ཡིན་ཆོས་གཞན་མེད།། ལྷུན་གྲུབ་ཆེན་པོར་ཡེ་ནས་གནས།། ཆོས་རྣམས་འབྱུང་རུང་གྲུབ་པ་མེད།། བདེན་པ་རང་རྒྱུད་ཡེ་མི་གནས།། ལྷུན་གྲུབ་མཐའ་བྲལ་ཆེན་པོའོ།། འཁོར་འདས་རང་རིག་ལྡན
213a2 གྲུབ་བོ།། དབྱིངས་ཆེན་རྣམ་དག་ཡེ་ཤེས་དག། ཐ་སྙད་ཆོས་དག་དངོས་པོ་དག། བདེན་པ་ཀ་དག་ཡོད་མེད་དག། གཉིས་མེད་རྣལ་དག་གཉིས་ཆོས་དག། རང་བཞིན་རྣམ་དག་དངོས་མེད་དག། མཐའ་དབུས་ཀ
213a3 དག་རྣམ་དག་ཆེ།། མ་སྤངས་རྣམ་དག་གསལ་སྟོང་གནས།། རང་རིག་བྱང་ཆུབ་གཉིས་ཆོས་སངས།། གཉིས་མེད་ཡེ་ཤེས་ཡེ་རྒྱས་ཉིད།། ཡོད་པ་མ་ཡིན་མེད་རྒྱས་མིན།། གཤིས་ལ་གྲུབ་མེད་ཡེ་ནས་རྒྱས།། རང
213a4 བཞིན་ཆོས་སྐུ་གདངས་གསལ་ལོ།། གཉིས་མེད་སྦྲུལ་སྐུ་སྟོང་ཇི་ལྟ།། རང་གསལ་ཇི་སྙེད་གཉིས་དབྱེར་མེད།། གསལ་སྟོང་མཁྱེན་པའི་ཡེ་ཤེས་སོ།། གཤིས་ལ་འཁྲུལ་པ་མ་གྲུབ་སྟོང་།། སྤངས་པ་ཕུན་སུམ་ཚོགས
213a5 པའོ།། ངོ་བོ་གཉིས་སུ་མེད་པས་ན།། རྟོགས་པ་ཕུན་སུམ་ཚོགས་པར་གནས།། དེ་ལྟར་ཡེ་སངས་མ་རྒྱས་ན།། བསྒོམས་ཀྱང་སངས་རྒྱས་མི་འབྱུང་ངོ་།། ས་ལེ་སྦྲམ་བུ་གསེར་མིན་ན།། བཏུལ་བས་གསེར་དུ་ག་ལ
213a6 འགྱུར།། དེ་ལྟར་ཡེ་སངས་ཡེ་རྒྱས་དེ།། ངོ་བོ་ཉིད་ཀྱི་སྣང་བ་ལ།། ངོ་བོ་ཉིད་ཀྱི་སྐུ་ཤར་ཏེ།། ཆོས་སྐུ་ཐིག་ལེ་ཉག་གཅིག་གོ། ངོ་བོ་ཉིད་ཀྱི་སྣང་བ་ནི།། ཡེ་ཤེས་ལྷུན་གྲུབ་ཆེན་པོར་བཞུགས།། དེ་ཡང་གནས་ལུགས
iiif viewer powered by OpenSeadragon
