| e-texts navigator |
| Wylie |
212b1 གཉིས།། སྤྲུལ་པ་འགྱེད་པ་ཡིན་པས་ན།། སྤྲུལ་པ་ཆེན་པོ་ཞེས་ཀྱང་བྱ།། དབྱིངས་རིག་གཉིས་ལས་འདས་པ་ཡི།། རང་བྱུང་ཡེ་ཤེས་མི་གཡོ་བ།། སྣང་བའི་རྟོག་པ་རང་ཆོད་པའོ།། རང་བྱུང་ཡེ་ཤེས་འདུ་འབྲལ
212b2 མེད།། སྐུ་དང་ཡེ་ཤེས་མངོན་སྣང་ཉིད།། རང་བྱུང་ཡེ་ཤེས་སྣང་མཐའ་བྲལ།། ཡུལ་དང་ཡུལ་ཅན་ཀུན་ལས་འདས།། རང་བྱུང་ཡེ་ཤེས་རྩིས་མེད་པས།། གཟུང་འཛིན་གཉིས་ལས་འདས་པའོ།། རང་བྱུང་ཡེ་ཤེས་ཕྱི
212b3 ནང་མེད།། སྐྱོན་དང་ཡོན་ཏན་ཀུན་ལས་འདས།། རང་བྱུང་ཡེ་ཤེས་འཁྲུལ་པ་མེད།། རང་བྱུང་ཡེ་ཤེས་མཐའ་ལས་འདས།། རང་བྱུང་ཡེ་ཤེས་འགྱུ་བྱེད་བྲལ།། རང་བྱུང་ཆེན་པོའི་ཡེ་ཤེས་ལ།། སྟོན་པའི་སྣང་བ་མ
212b4 སྤངས་རྫོགས།། ངོ་བོ་སྣང་སྟོང་གཉིས་མེད་ལ།། མཉམ་ཉིད་སྐྱེ་འགག་གཉིས་སུ་མེད།། སྣང་བ་རིག་པ་གཉིས་མེད་པ།། གནས་ལུགས་རང་བྱུང་གཉིས་མེད་པ།། གཉིས་ཆོས་ཀུན་བྲལ་ཆེན་པོའོ།། གཉིས་མེད
212b5 མཐའ་གྲོལ་ཆེན་པོར་གནས།། གཉིས་མེད་ཐིག་ལེ་ཉག་གཅིག་ལ།། གཤིས་ཉིད་མ་གྲུབ་ངོ་བོས་སྟོང་།། ཆོས་ཉིད་ཀྱི་ནི་ལྷུན་གྲུབ་བོ།། ཆོས་རྣམས་ཐམས་ཅད་རྩལ་མ་འགགས།། ཆོས་ཅན་ལྷུན་གྲུབ་ཉིད་དུ
212b6 གནས།། ཆོས་རྣམས་ངོ་བོ་ཅིར་མི་རྟོག། གཉིས་མེད་ལྷུན་གྲུབ་ཆེན་པོར་གནས།། དེ་ཉིད་སུས་ཀྱང་བྱས་པ་མེད།། རང་བྱུང་ལྷུན་གྲུབ་གདོད་གནས་ས།། འཁོར་འདས་ཆོས་རྣམས་ཐམས་ཅད་ཀུན།། ལྷུན་གྲུབ་མ
iiif viewer powered by OpenSeadragon
