| e-texts navigator |
| Wylie |
212a1 བཅོས་བསླད་མེད།། ངོ་བོ་སྟོང་ལ་རང་བཞིན་གསལ།། ཐུགས་རྗེ་ཀུན་ལ་སྣང་ནུས་པའི།། གཞི་དེ་འོད་ཁྱིམ་ལྟ་བུ་ལ།། འགྱུར་བ་མེད་པས་རྡོ་རྗེ་འདྲ།། འབྱུང་བཞི་དམིགས་པའི་རྐྱེན་མི
212a2 གནས།། གཞི་དེ་མ་བཅོས་ལྷུན་གྲུབ་ཡིན།། དེ་ཡང་ཡེ་ཤེས་ཆེན་པོ་ཉིད།། ཐོག་མའི་ཀ་དག་གསལ་སྟོང་ལ།། རང་བཞིན་ཉིད་ནི་འདི་ལྟ་བུ།། སུས་ཀྱང་མ་བྱས་རང་གསལ་ཉིད།། ཡེ་ཉིད་ནས་ནི་རང་བཞིན
212a3 ཁྱབ།། རང་བྱུང་ཡེ་ཤེས་རང་ལ་བྱུང་།། མ་དཔྱད་པ་ཡི་ཡུལ་ཅན་ཉིད།། སྔར་འདས་ཕྱིས་བྱུང་ད་ལྟ་མེད།། ལས་དང་བག་ཆགས་མ་རིག་མེད།། ཡིད་དང་འཁོར་བ་ཤེས་རབ་མེད།། མྱང་འདས་དག་ཀྱང་ཡོད་མ
212a4 མྱོང་།། རིག་པ་ཉིད་ཀྱང་ཡོད་མ་ཡིན།། ཡེ་ཤེས་སུ་ཡང་སྣང་བ་མེད།། ཀྱེ་མ་རིག་སྟོང་ཉག་གཅིག་ཉོན།། རང་བྱུང་ཡེ་ཤེས་སྲོག་མེད་པས།། དགེ་སྡིག་གཉིས་ཀྱི་མཐའ་ལས་འདས།། རང་བྱུང་ཡེ་ཤེས་བྱ་བྱེད
212a5 བྲལ།། རིག་པ་ཉིད་ཀྱི་ཀུན་ཁྱབ་ལ།། བརྡལ་བ་ཆེན་པོ་ཞེས་ཀྱང་བྱ།། དེ་བཞིན་ཉིད་ལས་མི་འགྱུར་བས།། འགྱུར་མེད་ཡེ་ཤེས་ཞེས་ཀྱང་བྱ།། སྐྱེ་ནས་གྲོལ་བའི་གཞི་ཡིན་པས།། དུས་གསུམ་དགོངས་པ་ཞེས་ཀྱང
212a6 བྱ།། ངེས་པ་གཅིག་ཏུ་མི་གནས་པས།། བདག་མེད་ཆེན་པོ་ཞེས་ཀྱང་བྱ།། མཐོང་མེད་རོལ་པ་མི་འགག་པས།། འགག་མེད་ཆེན་པོ་ཞེས་ཀྱང་བྱ།། དོན་ལ་བདག་མེད་སྐད་ཅིག་མ།། བརྒྱད་ཁྲི་བཞི་སྟོང་རྣམ་པ
iiif viewer powered by OpenSeadragon
