| e-texts navigator |
| Wylie |
211b1 གྲུབ་ཐོག་མའི་གོང་རོལ་དུ།། ཀུན་ཁྱབ་ཡེ་ཤེས་གནས་ཚུལ་དེ།། འཛིན་པ་མེད་པའི་སྟོན་པ་ངས།། སྤྲོས་མེད་རང་དག་གཞལ་ཡས་སུ།། ཉིད་དང་དབྱེར་མེད་སྣང་འཁོར་ལ།། མཚན་མ་རིས་མེད་གསུང་གིས
211b2 ནི།། སྤྲོས་པ་མེད་པའི་ཚིག་རྣམས་ཀུན།། མི་སྣང་བ་རང་ཟད་ཐུགས་ལས་བྱུང་།། མ་གསུངས་གསུང་བ་མེད་པར་ནི།། མཉམ་པ་ཆེན་པོའི་ངང་དུ་བསྟན།། རང་གསལ་དག་པའི་སྟོན་པ་ངས།། འོད་ལྔ་རྣམ་དག
211b3 གཞལ་ཡས་ནས།། སྤྲོས་མེད་གཏེར་ཆེན་གསུང་གིས་ནི།། སྐུ་ལྔ་རིགས་ཀྱི་འཁོར་རྣམས་ལ།། དངོས་མེད་དག་པའི་ཆོས་རྣམས་ནི།། ཡེ་ཤེས་འདུས་པའི་ཐུགས་ལས་ཕྱུང་།། རྣམ་དག་འོད་ཟེར་ལྗགས་ལ
211b4 བཀྲམ།། རང་བྱུང་ཡེ་ཤེས་ཐམས་ཅད་དུ།། མ་གསུངས་རང་བྱུང་ཆེན་པོར་བསྟན།། སྦྲུལ་སྐུ་མངོན་ཞེན་མེད་པ་ཡིས།། ཆོས་འབྱུང་འདུས་བྱས་རང་གནས་ནས།། རིགས་དྲུག་ལས་སད་སྐལ་ལྡན་ལ།། སྤྲོས་བཅས
211b5 གསུང་གི་ཚིག་གིས་ནི།། དབང་པོ་གང་མོས་ཆོས་རྣམས་ཀྱང་།། དྲན་པ་རང་གསལ་ཐུགས་ནས་ནི།། དབང་པོ་འདོད་མེད་ལྗགས་ལ་བཀྲམ།། ཐེག་པ་གྲངས་ཀྱི་ཆོས་སུ་བསྟན།། ངས་བསྟན་སྤྲོས་པའི་ཚིག་རྣམས
211b6 ལ།། དོན་ཆེ་བཀའ་ལ་གྲངས་མང་སྟེ།། འདི་ཀུན་མཚོན་པར་ཁྱོད་ལ་བསྟན།། འགྱུར་བ་མེད་པའི་སེམས་ཀྱིས་ཟུང་།། ཐོག་མར་ཀ་དག་གསལ་སྟོང་ཁྱབ།། སྤྱིར་ཡང་རྒྱ་ཆད་ཕྱོགས་ལྷུང་བྲལ།། ཀུན་གཞི་ཡེ་ནས
iiif viewer powered by OpenSeadragon
