| e-texts navigator |
| Wylie |
211a1 ཉོན།། ཀློང་ཆེན་རབ་འབྱམས་རྒྱུད་འདི་ལ།། གཞི་འཁྲུལ་ཁྱབ་ཚུལ་གང་གནས་པ།། ལམ་སྒོ་ཡུལ་གྱི་སྣང་ཡུལ་དང་།། ཐེག་པའི་དབྱེ་བ་རྫོགས་ཚུལ་དང་།། བླ་མས་སློབ་མར་དབང་བསྐུར
211a2 དང་།། གྲོལ་བའི་གདམས་ངག་ལག་ཁྲིད་དང་།། ལྟ་སྒོམ་སྤྱོད་པ་བར་དོ་དང་།། ཉམས་སྔངས་རྟགས་ཚད་གྲོལ་ཚུལ་ལོ།། འདི་ནི་རྒྱས་པར་བདག་གིས་སྟོན།། མ་ནོར་ངེས་པར་ཡིད་ལ་ཟུང་།། ཆོས་སྒོ་བསམ
211a3 ཡས་ཐམས་ཅད་ཀུན།། འདི་རུ་མ་རྫོགས་གང་ཡང་མེད།། ཐེག་པ་ཀུན་གྱི་སྤྱི་ཕུད་ཡིན།། སྐལ་ལྡན་འཁོར་རྣམས་སྤྲོ་བར་སོམས།། ཞེས་བཀའ་སྩལ་པ་དང་། འཁོར་རྣམས་ཡིད་མགུ་བ་དང་བཅས་སྤྲོ་བར་གྱུར་ཅིང
211a4 ཤིན་ཏུ་ངོ་མཚར་བར་གྱུར་ཏོ།། ཐེག་པ་ཀུན་གྱི་སྤྱི་ཕྲད། ཀློང་ཆེན་རབ་འབྱམས་ཀྱི་རྒྱུད་ལས། གནང་བའི་སྐབས་དབྱེ་བ་གླེང་སློང་བའི་ལེའུ་སྟེ་དང་པོའོ།། །། གག་ས་9། ལྡན་ཐུན་རྒྱ་མབྱགྱུར་མ། དེ་ནས་སྟོན
211a5 པ་ཀུན་བཟང་ལ།། སེམས་དཔའ་རྡོ་རྗེས་འདི་སྐད་ཞུས།། ཀྱེ་ཧོ་སྟོན་པ་ཀུན་ཏུ་བཟང་།། བསྟན་པ་འདི་ཡི་རང་གཞུང་གི། སངས་རྒྱས་སེམས་ཅན་འཁོར་མྱང་འདས།། མ་གྲུབ་ཐོག་མའི་གོང་དག་ནས།། ཀུན་ཁྱབ
211a6 ཡེ་ཤེས་ཇི་ལྟར་གནས།། སྟོན་པས་བདག་ལ་བཤད་དུ་གསོལ།། དེ་སྐད་ཅེས་ནི་གསོལ་པ་ལ།། སྟོན་པ་གྲག་སྟོང་ཚིག་ཏུ་བྱོན།། ཀྱེ་ཧོ་སེམས་དཔའ་རྡོ་རྗེ་ཉོན།། འཁོར་རྣམས་ཡིད་རབ་ཚིམ་བྱའི་ཕྱིར།། མ
iiif viewer powered by OpenSeadragon
