| e-texts navigator |
| Wylie |
210b1 ཆེ།། གསང་མཆོག་ངེས་པའི་ཚིག་དེ་ཀུན།། སྟོན་པ་སུས་ཀྱང་གསུངས་པ་མེད།། རང་བྱུང་ཆེན་པོའི་ནམ་མཁའ་ལ།། རང་རྩལ་རིག་པ་མ་འགགས་པ།། སྤྲོས་མེད་ཆོས་ཉིད་རང་སྒྲར་ནི།། མ་བསྟན་རང
210b2 བྱུང་ཐོག་མར་གྲག། རྒྱུན་ཆད་མེད་པར་ཆོས་ཀུན་ཚིག། རང་གི་སྒྲར་ནི་ཡེ་ནས་གྲག། རང་བྱུང་ཡེ་ཤེས་ཚིག་གིས་མཚོན།། རང་ལས་རང་བྱུང་ཤར་གྲོལ་བས།། རང་བྱུང་ཆེན་པོའི་ཚིག་ཏུ་བཟུང་།། དེ་སྐད
210b3 དུ་སྟོན་པ་རིག་སྟོང་ཀུན་ཏུ་བཟང་པོ་ཉིད་རང་ལ་རང་ངོ་མཚར་བའི་ཆེ་བ་བརྗོད་དེ་ལྷམ་མེར་བཞུགས་སོ།། དེའི་ཚེ་འཁོར་རྣམས་ཀྱི་ནང་ནས། ལོངས་སྤྱོད་རྫོགས་པའི་སྐུ་སེམས་དཔའ་རྡོ་རྗེ་ཞེས་བྱ་བ
210b4 ཉིད་ཀྱི་ཐུགས་ཀྱི་རྩལ་ཟེར་ལས་རང་བྱུང་བ་ཉིད་དང་། འཁོར་རྣམས་ཀྱི་རྡོ་རྗེ་གླུས་འདི་སྐད་དུ་བསྐུལ་ལོ།། ཨེ་མ་ཧོ།། ཀྱེ་ཧོ་སྟོན་པ་ཀུན་ཏུ་བཟང་།། ཆོས་དབྱིངས་སྤྲོས་བྲལ་ཐུགས་ཀློང་ནས།། རང་གསལ་ཡེ
210b5 ཤེས་མཁྱེན་པ་ཡིས།། ཞལ་ཕྱག་རྫོགས་ཤིང་འགྲོ་བའི་ཡབ།། སངས་རྒྱས་མེས་པོ་ཡབ་རྗེ་བསྟོད།། ཨེ་མ་ཀུན་བཟང་ཀློང་ཆེན་རབ་འབྱམས་གསོན།། དེ་ལྟར་ངོ་མཚར་གད་རྒྱངས་དེ།། ཀུན་གྱིས་ཐོས་ཀྱང་རྟོགས
210b6 དཀའ་བས།། ཡང་གསང་ཐིག་ལེ་ཆེན་པོ་འདི།། ཀུན་གྱི་སྤྱི་ཕུད་ཀློང་ཆེན་མཆོག། རྒྱས་པར་གནང་བའི་སྐབས་དབྱེ་ཞུ།། དེ་སྐད་དུ་ནི་ཞུས་པ་ལས།། སྟོན་པ་ཉིད་ཀྱིས་བཀའ་སྩལ་པ།། ཨེ་མ་སེམས་དཔའ་རྡོ་རྗེ
iiif viewer powered by OpenSeadragon
