| e-texts navigator |
| Wylie |
210a1 ཆེ།། ཆ་ཕྲ་སྤྲོས་མེད་ཐིག་ལེ་ལ།། ལྔ་ལྔས་བརྒྱན་པ་ངོ་མཚར་ཆེ།། མི་འགྱུར་རིག་པའི་རང་སྐུ་ལ།། འགྲོ་འོད་མེད་པ་ངོ་མཚར་ཆེ།། སྣང་བ་རང་དག་ཆེན་པོ་ལ།། མཐའ་མེད་རྒྱ་ཆེ་ངོ་མཚར
210a2 ཆེ།། དབྱིངས་དང་རིག་པ་རང་འབྲེལ་ལ།། འཕྲོས་པ་མེད་པ་ངོ་མཚར་ཆེ།། སྟོང་པ་ཆེན་པོའི་འབྱུང་གནས་ལ།། མཐའ་བཞི་འགགས་པ་ངོ་མཚར་ཆེ།། ཐོག་མའི་མགོན་པོ་དྲི་མེད་ལ།། འགྲན་པའི་ཟླ་མེད་ངོ་མཚར
210a3 ཆེ།། ཉག་གཅིག་རང་གནས་དགོངས་པ་ལ།། བར་མཚམས་མེད་པ་ངོ་མཚར་ཆེ།། རྩོལ་སྒྲུབ་རང་དག་སྤྱོད་པ་ལ།། དགག་སྒྲུབ་མེད་པ་ངོ་མཚར་ཆེ།། རང་བཞིན་བསམ་གཏན་པར་མེད་ལ།། བྱིང་རྒོད་མེད་པ་འོ།
210a4 མཚར་ཆེ།། གཏད་པ་མངོན་སུམ་བལྟ་བ་ལ།། རང་སྣང་ཡེ་རྫོགས་ངོ་མཚར་ཆེ།། ཡེ་ཡོད་འབྲས་བུ་རང་ཐོབ་ལ།། དམིགས་གཏད་མེད་པ་ངོ་མཚར་ཆེ།། མ་བཙལ་ཅོག་བཞག་ཆོས་ཉིད་ལ།། ཐམས་ཅད་ཀུན་གསལ
210a5 ངོ་མཚར་ཆེ།། རང་བཞིན་རྟོགས་པའི་སྐུ་གསུམ་ལ།། ཅིག་ཅར་རྫོགས་པ་ངོ་མཚར་ཆེ།། བརྡལ་བ་ཆེན་པོའི་ནང་དབྱིངས་ལ།། མཐའ་ལ་ཐུག་མེད་ངོ་མཚར་ཆེ།། སྟོང་པ་ཆེན་པོའི་ཤེས་རབ་ལ།། གཞལ་དུ་མེད་པ་ངོ
210a6 མཚར་ཆེ།། འབྲས་བུ་ཀུན་བཟང་སྟོང་ཉིད་ལ།། དངོས་པོ་ཟད་པ་ངོ་མཚར་ཆེ།། དངོས་མེད་ཡེ་ཤེས་ཟང་ཐལ་ལ།། གཟུང་བ་མེད་པ་ངོ་མཚར་ཆེ།། རང་བཞིན་བབས་ཀྱི་སྣང་བ་ལ།། མཐོང་བ་མེད་པ་ངོ་མཚར
iiif viewer powered by OpenSeadragon
