| e-texts navigator |
| Wylie |
209b1 པར།། སྒྲིབ་བྱང་ཚོགས་གཉིས་ཡེ་ནས་རྫོགས།། རིག་པ་གཅེར་བཞག་ཀུན་མཉམ་ལྟོས།། ཐམས་ཅད་རྒྱན་ཤར་ངོ་མཚར་ཆེ།། སྤང་དང་ལེན་པའི་ཆོས་རྣམས་ཀུན།། ཉོན་མོངས་གཏན་སྦུགས་འཆིང་གྲོལ་མེད།། ཡེ
209b2 སྟོང་ཀ་དག་ངང་ལ་ལྟོས།། སངས་རྒྱས་གཡང་ཡང་སར་ཡང་ས་ངོ་མཚར་ཆེ།། བྱ་བྱེད་ཡེ་དཔྱོད་བསྒོམ་པ་ཡིས།། ཡེ་གྲོལ་མ་ཤེས་ལྷུང་བར་འགྱུར།། མི་སྟོང་སྟོང་པ་དངོས་ཅན་ལྟོས།། མེད་པ་བདག་འཛིན་ངོ་མཚར
209b3 ཆེ།། སྣང་སྲིད་འཁོར་འདས་ཀུན་སྐྱེད་ཀྱང་།། སྐྱེ་མེད་དང་དངས་ཀ་ནས་དག། ཨེ་མ་ཧོ།། བྱུང་གནས་མེད་པའི་རང་རིག་ལ།། འགྲོ་འོང་མེད་པ་ངོ་མཚར་ཆེ།། ཀུན་ཏུ་འཇུག་བྱེད་ཡིད་དྲུག་ལ།། བརྟེན་ས་མེད་དེ་བློ
209b4 ལས་འདས།། ཐམས་ཅད་སྡུད་པའི་ཀུན་གཞི་ལ།། བཞག་ས་མེད་དེ་ངོ་མཚར་ཆེ།། འཁོར་འཁྲུལ་ཀུན་གཞི་མ་རིག་པ།། འགྱུར་མེད་ཀ་དག་བྱ་བཙལ་བྲལ།། ཐམས་ཅད་ཡུལ་ཞེན་ཉོན་མོངས་ལ།། གཞི་རྩ་མེད་པ
209b5 ངོ་མཚར་ཆེ།། ཕྲ་དང་རགས་པའི་དྲི་མ་ལ།། ཆགས་པ་མེད་པ་ཡེ་དག་ཡིན།། ཨེ་མ་ཧོ།། གཞི་རྩ་མེད་པའི་ཆོས་ཉིད་འདི།། མ་བཙལ་ཅོག་བཞག་ངོ་མཚར་ཆེ།། འགྲོ་འོང་མེད་པའི་རིག་པ་ལ།། ཐུག་པ་མེད་པ་ངོ
209b6 མཚར་ཆེ།། མ་བཀོད་གསལ་བའི་དག་དབྱིངས་ལ།། ཕྱི་དང་ནང་མེད་ངོ་མཚར་ཆེ།། རང་སྣང་དག་པའི་འོད་ལྔ་ལ།། འཆར་ནུབ་མེད་པ་ངོ་མཚར་ཆེ།། ཤར་བ་མེད་པའི་སྒྲོན་མ་ལ།། ནུབ་པ་མེད་པ་ངོ་མཚར
iiif viewer powered by OpenSeadragon
